*അഴിയൂർ ഗവ. ഹയർ സെക്കൻഡറി സ്കൂൾ ബസ് സ്റ്റോപ്പ് ഉദ്ഘാടനം ചെയ്തു*

അഴിയൂർ: വടകര എം.എൽ.എ കെ.കെ. രമയുടെ 2023–24 വർഷത്തെ പ്രാദേശിക വികസന ഫണ്ടിൽ (ആസ്തി വികസന ഫണ്ട്) നിന്ന് അനുവദിച്ച മൂന്ന് ലക്ഷം രൂപ ചെലവഴിച്ച് നിർമ്മിച്ച അഴിയൂർ ഗവ. ഹയർ സെക്കൻഡറി സ്കൂൾ ബസ് സ്റ്റോപ്പ് ഉദ്ഘാടനം ചെയ്തു.

വടകര എം.എൽ.എ കെ.കെ. രമ ബസ് സ്റ്റോപ്പിന്റെ ഉദ്ഘാടനം നിർവഹിച്ചു. അഴിയൂർ ഗ്രാമപഞ്ചായത്ത് പ്രസിഡന്റ് കെ. ലീല, 20-ാം വാർഡ് മെമ്പർ സബാദ് വി.പി. എന്നിവർ ചടങ്ങിൽ പങ്കെടുത്തു.

സ്കൂളിലെ വിദ്യാർത്ഥികൾക്കും അധ്യാപകർക്കും പ്രദേശവാസികൾക്കും യാത്രാസൗകര്യവും സുരക്ഷയും ഉറപ്പാക്കുന്നതിന് പുതിയ ബസ് സ്റ്റോപ്പ് സഹായകരമാകും. സ്കൂൾ പരിസരത്ത് ഏറെക്കാലമായി ആവശ്യമായിരുന്ന സൗകര്യമാണ് പ്രാദേശിക വികസന ഫണ്ടിലൂടെ യാഥാർഥ്യമായത്.

വിദ്യാഭ്യാസ സ്ഥാപനങ്ങളുടെ അടിസ്ഥാന സൗകര്യ വികസനത്തിന് പ്രാധാന്യം നൽകുന്നതിന്റെ ഭാഗമായാണ് പദ്ധതി നടപ്പാക്കിയത്.