പരിസ്ഥിതി ദിനം ആചരിച്ചു
പന്തക്കൽ : പരിസ്ഥിതിസംരക്ഷണം എന്ന മഹായജ്ഞത്തെ സ്വാനുഭവാധിഷ്ഠിതമായി ബോധവൽക്കരിച്ച് പി. എം. ശ്രീ . ഐ . കെ . കുമാരൻ ഗവൺമെൻ്റ് ഹയർ സെക്കൻഡറി സ്കൂളിലെ വിദ്യാർത്ഥികളും അധ്യാപകരും .
വൈസ് പ്രിൻസിപ്പൽ ഷീബ ടീച്ചറുടെയും ഹെഡ്മിസ്ട്രസ് ശ്രീലത ടീച്ചറുടെയും സഹാ ധ്യാപകരുടെയും നേതൃത്വത്തിൽ ക്വിസ് മാസ്റ്ററും മുൻബോട്ടണി ലക്ചററുമായ ശ്രീ ആനന്ദകുമാർ പറമ്പത്ത് പൂച്ചെടികൾ നട്ടുപിടിപ്പിച്ചുകൊണ്ട് പരിസ്ഥിതി ദിന ഉദ്ഘാടന കർമ്മം നിർവഹിച്ചു .
2026 ലെ ലോക പരിസ്ഥിതിദിന സന്ദേശമായ പ്രകൃതിയെ സംരക്ഷിക്കുന്നതിലൂടെ നമ്മുടെ കാലാവസ്ഥയും ഭാവിയും സുരക്ഷിതമാക്കാൻ ആഹ്വാനം ചെയ്തുകൊണ്ട് ശ്രീ ആനന്ദകുമാർ പരിസ്ഥിതിദിന പ്രഭാഷണവും നടത്തി . വൈസ് പ്രിൻസിപ്പൽ ഷീബ ടീച്ചർ അധ്യക്ഷത വഹിച്ചു . ശ്രീ സുധീർ മാസ്റ്റർ സ്വാഗത ഭാഷണം നടത്തി .
അൻവിദ , ദർശ്ഷജിൽ , ആദിമ മനോജ് , ഹൈഫ എന്നീ വിദ്യാർത്ഥികൾ വൃക്ഷങ്ങൾ നടുകയും അവയെ പരിപാലിക്കുകയും ചെയ്യേണ്ടതിൻ്റെ ആവശ്യകതയെ കുറിച്ച് സംസാരിച്ചു .
വിദ്യാർത്ഥികളുടെയും അധ്യാപകരുടെയും ശ്രദ്ധേയമായ പങ്കാളിത്തം ഈ പരിപാടിയെ മികവുറ്റ താക്കി .
Post a Comment