*ഇന്ധന-പാചകവാതക വിലവർദ്ധനവ്: മാഹിയിൽ സി.ഐ.ടി.യു പ്രതിഷേധ പ്രകടനവും യോഗവും നടത്തി*
മാഹി: രാജ്യത്ത് പെട്രോൾ, ഡീസൽ, പാചകവാതകം എന്നിവയുടെ വില അടിക്കടി വർദ്ധിപ്പിക്കുന്നതിനെതിരെ സി.ഐ.ടി.യുവിന്റെ (CITU) നേതൃത്വത്തിൽ മാഹി ടൗണിൽ ശക്തമായ പ്രതിഷേധ പ്രകടനവും യോഗവും സംഘടിപ്പിച്ചു. വർദ്ധിച്ചുവരുന്ന വിലക്കയറ്റം സാധാരണക്കാരുടെ ജീവിതം ദുസ്സഹമാക്കുകയാണെന്ന് യോഗത്തിൽ നേതാക്കൾ കുറ്റപ്പെടുത്തി.
മാഹി ടൗൺ കേന്ദ്രീകരിച്ച് നടന്ന പ്രതിഷേധ പ്രകടനത്തിന് ശേഷം നടന്ന പൊതുയോഗത്തിൽ സി.ഐ.ടി.യു നേതാക്കളായ ഹാരിസ് പരന്തിരാട്ട്, മനോഷ് കുമാർ, കൊളരാട് ബാബു, വി. സുരൻ തുടങ്ങിയവർ സംസാരിച്ചു.
ജനദ്രോഹപരമായ വിലവർദ്ധനവ് അടിയന്തിരമായി പിൻവലിക്കാൻ സർക്കാർ തയ്യാറാകണമെന്നും, അല്ലാത്തപക്ഷം വരും ദിവസങ്ങളിൽ സമരം കൂടുതൽ ശക്തമാക്കുമെന്നും നേതാക്കൾ മുന്നറിയിപ്പ് നൽകി.
Post a Comment