ചെമ്പ്ര സുബ്രഹ്മണ്യ ക്ഷേത്രത്തിൽ കാർത്തിക ഉത്സവത്തിന് കൊടിയേറി

മയ്യഴി: ചെമ്പ്ര സുബ്രഹ്മണ്യസ്വാമി ക്ഷേത്രത്തിൽ കാർത്തിക ഉത്സവത്തിന് വെള്ളിയാഴ്ച രാത്രി  കൊടിയേറി. തിരുവാതിരക്കളി, കൈകൊട്ടിക്കളി എന്നിവയുണ്ടായി. 29 ന് വൈകുന്നേരം അഞ്ചിന് കാഴ്ചശീവേലി, കുന്നിൽ മുകളിലുള്ള ആരൂഢ സ്ഥാനത്ത് ഇറക്കി വെച്ച് പൂജ, ഏഴിന് മുള പൂജ, രാത്രി 9.30 ന് ഗാനമേള, വിവിധ കലാപരിപാടികൾ, 4 ന് രാവിലെ 11ന് കാർത്തികാഭിഷേകം, രാത്രി 8 ന് ഗ്രാമബലി, നഗരപ്രദക്ഷിണം, തുടർന്ന് പള്ളിവേട്ട, 5 ന് രാവിലെ അഞ്ചിന് പള്ളിയുണർത്തൽ, 9.30 ന് യാത്രാ ഹോമം, യാത്രാബലി, ആറാട്ട്, കൊടിയിറക്കം, ഉച്ചക്ക് പ്രസാദ ഊട്ട് എന്നിവയുണ്ടാവും.