മാഹി സെൻറ് തെരേസ സ്കൂളിന് സമീപം ഇലക്ട്രിസിറ്റി പോസ്റ്റ് അപകടാവസ്ഥയിൽ
മാഹി ∙ കുഞ്ഞിപ്പുര മുക്ക് സെൻറ് തെരേസ സ്കൂളിനടുത്ത് സ്ഥിതി ചെയ്യുന്ന വൈദ്യുത പോസ്റ്റ് അപകടാവസ്ഥയിലാണ്.
സ്കൂളിൽ നിന്നും ഏകദേശം 25 മീറ്റർ അകലെയായി ഈ പോസ്റ്റ് നിലകൊള്ളുന്നത് പ്രദേശവാസികളെയും രക്ഷിതാക്കളെയും ആശങ്കയിലാഴ്ത്തിയിരിക്കുകയാണ്.
നിരവധി തവണ ഇലക്ട്രിസിറ്റി വകുപ്പ് ഉദ്യോഗസ്ഥരെ സമീപിച്ചിട്ടും പോസ്റ്റിന്റെ സുരക്ഷാ പ്രശ്നം പരിഹരിക്കാൻ നടപടിയുണ്ടായിട്ടില്ല.
നിലവിൽ ഈ പോസ്റ്റ് തെങ്ങിൽ കെട്ടിവച്ച നിലയിലാണ് ഉള്ളത്
പുതിയ പോസ്റ്റ് അടിയന്തിരമായി സ്ഥാപിക്കണമെന്നും, സ്കൂളിന് സമീപം വിദ്യാർത്ഥികൾക്ക് അപകടമുണ്ടാകുന്നതിന് മുൻപേ വിഷയത്തിൽ അടിയന്തിര നടപടി വേണമെന്നും ജനങ്ങൾ ആവശ്യപ്പെടുന്നു.
Post a Comment