*ചാലക്കരയിൽ കാട്ടുപന്നി ശല്യം: ജനങ്ങൾ ഭീതിയിൽ*

ചാലക്കര വയൽ വരപ്രത്ത് ക്ഷേത്രം റോഡിൽ കാടു പിടിച്ചു കിടക്കുന്ന പറമ്പ് കാട്ടു പന്നികളുടെ വിഹാര കേന്ദ്രമായി മാറി. കാട്ടുപന്നികളുടെ ശല്യം രൂക്ഷമായതോടെ പ്രദേശവാസികൾ ഭീതിയിലാണ്. ആളില്ലാത്ത കാടു പിടിച്ച് കിടക്കുന്ന ഈ പറമ്പിൽ അടുത്ത വീട്ടിലേക്ക് ചാഞ്ഞു നിൽക്കുന്ന വലിയ പനയും വീഴാറായ തെങ്ങുകളുമുണ്ട്. പറമ്പിന്റെ ഉടമസ്ഥർ ആരെന്നറിയാത്തതിനാൽ കാടു പിടിച്ചു കിടക്കുന്ന സ്ഥലം വൃത്തിയാക്കിത്തരണമെന്ന് ആവശ്യപ്പെട്ട് ചാലക്കര സമന്വയ റെഡിഡൻസ് അസോസിയേഷൻ റവന്യു വകുപ്പിന് പരാതി നൽകിയിരുന്നു. ഇതുവരെയായിട്ടും യാതൊരു നടപടിയും എടുക്കാത്തതിനാൽ പരിസര വാസികൾ ആശങ്കയിലാണ്.