ചാലക്കരയിലെ ഫ്രഞ്ച് റിവേര ഫ്ലാറ്റിലെ മലിനജലം ഡ്രെയിനേജിലേക്ക് ഒഴുക്കി വിട്ടു: പ്രതിഷേധവ്യമായി ബിജെപി

  ചാലക്കരയിലെ ഫ്രഞ്ച് റിവേര ഫ്ലാറ്റിലെ മലിനജലം ഡ്രെയിനേജിലേക്ക് ഒഴുക്കി വിട്ടു: പ്രതിഷേധവുമായി ബിജെപി*

മാഹി: ചാലക്കരയിലെ ഫ്രഞ്ച് റിവേര ഫ്ലാറ്റിൽ നിന്ന് മലിനജലം ഡ്രെയിനേജിലേക്ക് ഒഴുക്കുന്നതായി കണ്ടതിനെത്തുടർന്ന് ബിജെപി നേതാക്കളും പ്രവർത്തകരും സ്ഥലത്തെത്തി പ്രതിഷേധിച്ചു.

റോഡിനോട് ചേർന്ന്  സ്ലാബിന്റെ താഴെ മണ്ണ് അടിഞ്ഞുകൂടിയ നിലയും ശ്രദ്ധയിൽപ്പെട്ടതായി അവർ അറിയിച്ചു. പ്രശ്നങ്ങൾ അടിയന്തരമായി പരിഹരിക്കണമെന്ന് ആവശ്യപ്പെട്ട് ബന്ധപ്പെട്ടവർക്കു പാർട്ടി ഒരാഴ്ച സമയം നൽകി. ഒരാഴ്ചയ്ക്കുള്ളിൽ പ്രശ്നങ്ങൾ പരിഹരിക്കാത്ത പക്ഷം ശക്തമായ സമരപരിപാടികൾ സംഘടിപ്പിക്കുമെന്ന് ബിജെപി മുന്നറിയിപ്പ് നൽകി.

പരിശോധനയ്ക്കിടെ പള്ളൂർ സ്റ്റേഷൻ എസ്‌.ഐ. സുരേഷ് ബാബുവിന്റെ നേതൃത്വത്തിൽ പൊലീസ് സംഘവും മുനിസിപ്പൽ ഉദ്യോഗസ്ഥരും സ്ഥലത്തെത്തി. ബിജെപി മണ്ഡലം പ്രസിഡന്റ് പ്രബീഷ് കുമാർ, സംസ്ഥാന സമിതി അംഗം ദിനേശ് അങ്കവളപ്പിൽ, മണ്ഡലം സെക്രട്ടറിമാരായ മഗ്‌നീഷ് മഠത്തിൽ, തൃജേഷ് കെ എം എന്നിവർ പങ്കെടുത്തു.