വിശ്വകർമ്മ ദീപ്തി പുരസ്കാരം എ. ജയപ്രകാശിന് സമ്മാനിച്ചു

​കണ്ണൂർ: പ്രമുഖ വാസ്തുവിദഗ്ധനും സാമൂഹിക പ്രവർത്തകനുമായ എ. ജയപ്രകാശിന് വിശ്വകർമ്മ ദീപ്തി പുരസ്കാരം സമ്മാനിച്ചു. അദ്ദേഹത്തിന്റെ പുന്നോലിലെ വസതിയിൽ വെച്ച് നടന്ന ചടങ്ങിൽ വെച്ചാണ് പുരസ്കാരം നൽകിയത്.

​കുറച്ച് വർഷങ്ങളായി ശാരീരിക ബുദ്ധിമുട്ടുകളെ തുടർന്ന് ചികിത്സയിൽ കഴിയുകയാണ് ജയപ്രകാശ്. ചടങ്ങിൽ ഇ. ഗംഗാധരൻ സ്വാഗതം പറഞ്ഞു. പ്രസന്നകുമാർ അദ്ധ്യക്ഷത വഹിച്ച സാമൂഹിക പ്രവർത്തകനായ രാമദാസ് കതിരൂർ പുരസ്കാരം സമർപ്പിച്ചു.

​സോമേഷ് കുമാർ ആചാര്യ, സുരേഷ് ബാബു, കെ. ഭാഗ്യനാഥ്, അജേഷ് നങ്ങാറത്ത്, സുനിൽ കാവുംഭാഗം, എ.സത്യനാഥ് , എ. മനോജ്, കെ.ടി. ധനേഷ്, ഗീത പ്രകാശ്, ദിൽന മനോജ്, ദിവ്യ ധനേഷ്, ജസ്ന മനോജ് തുടങ്ങിയവർ ചടങ്ങിൽ പങ്കെടുത്തു.