.ദേശീയപാതയിൽ കുഞ്ഞിപ്പള്ളി ടൗണിന് നിർമ്മാണം പുർത്തിയായ അടിപ്പാത ഗതാഗതത്തിന് തുറന്ന് കൊടുക്കാൻ നടപടി സ്വീകരിക്കും  കെ.കെ രമ എം എൽ എ

അഴിയൂർ :ദേശീയപാതയിൽ കുഞ്ഞിപ്പള്ളി ടൗണിന് സമീപം നിർമ്മാണം പുർത്തിയായ അടിപ്പാത ഗതാഗതത്തിന് തുറന്ന് കൊടുക്കാൻ നടപടികൾ സ്വീകരിച്ച് വരുന്നതായി കെ.കെ രമ എം എൽ എ അറിയിച്ചു.ദേശീയപാത അതോററ്ററി എജിനിയർ തേജ് പാൽ, കരാർ കമ്പനി പ്രതിനിധികളുമായി എം എൽ എ സംസാരിച്ചതിന്റെ അടിസ്ഥാനത്തിലാണ് നടപടി. സ്ഥലത്ത് എത്തി സ്ഥിതിഗതികൾ വിലയിരുത്തുമെന്ന് അധികൃതർ. വ്യക്തമാക്കി. നിർമ്മാണ ജോലികൾ മാസങ്ങൾക്ക് മുമ്പെ ഏറെകുറെ പൂർത്തിയിരുന്നു. അടിപ്പാതയ്ക്ക് അടിയിലെ ടാറിങ് പ്രവൃർത്തി മാത്രമെ നടക്കാൻ ബാക്കിയുള്ളൂ. കുഞ്ഞിപ്പള്ളി ടൗണിൽ നിന്നും, മട്ടന്നൂർ എയർപോർട്ട് റോഡിൽ നിന്നും, വടകര ഭാഗത്ത് നിന്ന് വരുന്നവർക്കും എറെ ദുരം ചുറ്റി പോവേണ്ട സ്ഥിതിയാണ് . അടിപ്പാത തുറക്കുന്നതോടെ ഇതിന് പരിഹാരമാവും.കുഞ്ഞിപ്പള്ളി ടൗണിലെ വ്യാപാര മേഖലയിലും ഗതാഗത പ്രശ്‌നം ഏറെ പ്രതിസന്ധിയിലാക്കി.കുഞ്ഞിപ്പള്ളി അടിപ്പാത അടിയന്തരമായി തുറന്ന് കൊടുക്കണമെന്ന് ചോമ്പാൽ കമ്പയിൻ ആർട്സ് ആൻറ്റ് സ്പോർട്സ് ക്ലബ് യോഗം ആവശ്യപ്പെട്ടു. പ്രസിഡണ്ട് പ്രദീപ് ചോമ്പാല അധ്യക്ഷത വഹിച്ചു. കെ ജഗൻ മോഹൻ, ബി കെ റൂഫൈയിദ് പിപി ഷിഹാബുദ്ദീൻ, എൻ കെ ശ്രീജയൻ,ഷംസീർ അത്താണിക്കൽ എന്നിവർ സംസാരിച്ചു.