*ഡി.ഐ.യു.പി. സ്കൂളിൽ 'സർഗ്ഗവേള' സംഘടിപ്പിച്ചു.*

പാറാൽ : വിദ്യാരംഗം കലാവേദിയുടെയും വിവിധ ക്ലബ്ബ്കളുടെയും ഉദ്ഘാടനത്തോടനുബന്ധിച്ച് പാറാൽ ദാറുൽ ഇർഷാദ് യു.പി. സ്കൂളിൽ സംഘടിപ്പിച്ച 'സർഗ്ഗവേള' കുട്ടികൾക്ക് വേറിട്ട അനുഭവമായി. 

പിന്നണി ഗായകൻ എം. മുസ്തഫ മാസ്റ്റർ പരിപാടി ഉദ്ഘാടനം ചെയ്തു.

പ്രകൃതിസ്നേഹവും സാമൂഹ്യ പ്രതിബദ്ധതയും കുട്ടികളുടെ ഉള്ളിലുറക്കാൻ വിദ്യാലയത്തിലെ

കലാസാഹിത്യ പ്രവർത്തനങ്ങൾ ഉതകുമെന്ന്  ഉദ്ഘാടന പ്രസംഗത്തിൽ അദ്ദേഹം പറഞ്ഞു.

വിദ്യാരംഗം കലാസാഹിത്യ വേദി കൺവീനർ പി.പി. അംറിൻ അധ്യക്ഷയായി.

പ്രധാനാധ്യാപിക അമീറ ടീച്ചർ ആശംസകൾ നേർന്നു.

വായന പക്ഷാചരണത്തിൻ്റെയും ബഷീർ ദിനത്തിൻ്റെയും ഭാഗമായി സംഘടിപ്പിച്ച വിവിധ മത്സരങ്ങളിൽ വിജയികളായ കുട്ടികൾക്കുള്ള ഉപഹാരങ്ങൾ ചടങ്ങിൽ വിതരണം ചെയ്തു.

കെ.എം. മുനസ ഐറിൻ സ്വാഗതവും അബ്ദുൾഹാദി നന്ദിയും പറഞ്ഞു.

റാഫി പേരാമ്പ്ര ,ഷെറീഫ് ചൊക്ലി, ഇ.കെ.യൂനസ് , ഇ.പി. നിഷാന ,അക്ഷയ് എന്നിവർ സർഗ്ഗവേളക്ക് നേതൃത്വം നല്കി.