വൃക്ഷ ശിഖരം വൈദ്യുതി ലൈനിൽ തട്ടി അപകട ഭീഷണിയിൽ

ന്യൂമാഹി: പെരിങ്ങാടി കാഞ്ഞിരമുള്ളപറമ്പ് ഭഗവതി ക്ഷേത്രത്തിന്റെ വടക്കെ നടയുടെ മുൻവശത്ത് വൃക്ഷ ശിഖരം ചാഞ്ഞ് ഇലക്ട്രിക് ലൈനിൽ തട്ടി അപകട ഭീഷണിയിൽ.

മാഹി വൈദ്യുതി വകുപ്പിൽ വിവരമറിയിച്ചപ്പോൾ സ്ഥലഉടമയാണ് മരം മുറിച്ചു മാറ്റേണ്ടത് എന്നായിരുന്നു മറുപടി 

സ്ഥലമുടമ ഇതുവരെ മരം മുറിച്ചു മാറ്റാൻ തയ്യാറായിട്ടുമില്ല.

നിരവധി വാഹനങ്ങളും സ്കൂൾ കുട്ടികളും ഭക്തരും കടന്നുപോകുന്ന വഴിയാണിത്.

ശക്തമായ കാറ്റും മഴയും ഉണ്ടാവുമ്പോൾ അപകടമുണ്ടാകുമോ എന്നാണ് പരിസരവാസികളുടെ ഭക്തജനങ്ങളുടെയും ആശങ്ക.

ഉത്തരവാദപ്പെട്ടവർ ഇതിന് പരിഹാരം കാണണമെന്നാണ് ആവശ്യം.