*ഹെൽമറ്റിന് പകരം ചീനച്ചട്ടി* 
 *വയോധികൻ്റെ വീഡിയോ വൈറൽ*

 ഇരുചക്രവാഹന യാത്രക്കാർക്ക് ഹെൽമറ്റ് നിർബന്ധമാക്കിയ പുതുച്ചേരി സംസ്ഥാനത്ത് ഹെൽമറ്റ് ധരിച്ചെന്നപോലെ തലയിൽ ചീനച്ചട്ടിയുമായി ഇരുചക്രവാഹനം ഓടിക്കുന്ന വീഡിയോ വൈറലാകുന്നു

പുതുച്ചേരിയിൽ ഓരോ വർഷവും വാഹനങ്ങളുടെ എണ്ണവും അപകടങ്ങളും കൂടി വരുന്ന സാഹചര്യത്തിലാണ്  സംസ്ഥാനത്ത് കഴിഞ്ഞ 12 മുതൽ ഇരുചക്ര വാഹന യാത്രികർ ഹെൽമറ്റ് ധരിക്കുന്നത് നിർബന്ധമാക്കിയത്

 2020 മുതൽ പുതുച്ചേരിയിലെ റോഡപകടങ്ങൾ 8 മുതൽ 12 ശതമാനം വരെ വർധിച്ചു. മരണനിരക്ക് 15 മുതൽ 20 ശതമാനം വരെ വർദ്ധിച്ചു

രാജ്യത്തിൻ്റെ മറ്റു ഭാഗങ്ങളെ അപേക്ഷിച്ച് പുതുച്ചേരിയിൽ മരണസംഖ്യ കൂടുതലാണ്. പ്രത്യേകിച്ചും പുതുച്ചേരി- കടലൂർ റോഡ്, പുതുച്ചേരി- വില്ലുപുരം റോഡ്, പുതുച്ചേരി-ചെന്നൈ ഈസ്റ്റ് കോസ്റ്റ് റോഡ് എന്നിവിടങ്ങളിൽ വാഹനാപകടങ്ങൾ മൂലം ഏറ്റവും കൂടുതൽ മരണം സംഭവിച്ചിട്ടുണ്ട്. നിലവിൽ 14 ലക്ഷം വാഹനങ്ങളാണ് പുതുച്ചേരിയിലുള്ളത്. ഇതിൽ 85 ശതമാനവും ഇരുചക്ര വാഹനങ്ങളാണ്. 2023ൽ ഇരുചക്ര വാഹന അപകടങ്ങളിൽ 140 പേർ മരിച്ചു. 2024ൽ 123 പേർ മരിച്ചു.

അതിനാൽ ഈ വർഷം റോഡപകടങ്ങൾ തടയാൻ പുതുച്ചേരിയിൽ സീറോ കാഷ്വാലിറ്റി പദ്ധതി നടപ്പാക്കാൻ പുതുച്ചേരി ട്രാഫിക് പോലീസ് തീരുമാനിച്ചു. ഇതനുസരിച്ച് ഇരുചക്രവാഹന ഡ്രൈവർമാർക്കും ഹെൽമറ്റ് നിയമം 12 മുതൽ പ്രാബല്യത്തിൽ വന്നു. ഹെൽമെറ്റ് ധരിക്കാതെ വാഹനമോടിച്ചാൽ പിഴ ചുമത്തും. ഗതാഗത നിയമലംഘനം നടത്തുന്നവരുടെ വാഹന ലൈസൻസ് റദ്ദാക്കുമെന്ന് ട്രാഫിക് പോലീസ് പൊതുജനങ്ങൾക്ക് മുന്നറിയിപ്പ് നൽകി.

ഈ സാഹചര്യത്തിൽ ഇരുചക്രവാഹനത്തിൽ സഞ്ചരിക്കുന്ന ഒരാൾ തലയിൽ പാചകം ചെയ്യുന്ന പാത്രവുമായി ഹെൽമറ്റ് പോലെ ഓടിക്കുന്ന വീഡിയോ വൈറലായിരിക്കുകയാണ്.