പ്രതിഭാപുരസ്‌കാര സമർപ്പണവും അനുസ്‌മരണഭാഷണവും

മാഹി സ്പോർട്‌സ് ക്ലബ്ബ് ലൈബ്രറി & കലാസമിതി, മാഹി സംഘടിപ്പിച്ച 8-ാമത് കുമ്മായ മുകുന്ദൻ സ്‌മാരക പ്രതിഭാപുരസ്‌കാര സമർപ്പണവും അനുസ്‌മരണഭാഷണവും  ജൂൺ 13 വ്യാഴാഴ്‌ച വൈകു. 4 മണിക്ക് ഇ. വത്സരാജ് സിൽവർ ജൂബിലി ഹാളിൽ  മയ്യഴിയുടെ കഥാകാരൻ എം.മുകുന്ദൻ ഉദ്ഘാടനവും അനുസ്‌മരണ ഭാഷണവും നടത്തി.

 ചടങ്ങിൽ മുൻ ചീഫ് സെക്രട്ടറിയും (കേരളം) മലയാള സർവ്വകലാശാല വൈസ് ചാൻസിലറും വിദ്യാഭ്യാസ സെക്രട്ടറിയുമായിരുന്ന പ്രശസ്‌ത കവിയും ഗാനരചയിതാവും പ്രഭാഷകനുമായ  കെ. ജയകുമാർ IAS ചടങ്ങിൽ " വിദ്യാഭ്യാസം 21 -ാം നൂറ്റാണ്ടിൽ" എന്ന വിഷയത്തെ അധികരിച്ച് പ്രഭാഷണം നടത്തി.

മാഹി മേഖലയിലെ വിദ്യാലയങ്ങളിൽ നിന്ന് SSLC, +2 പരീക്ഷകളിൽ മുഴുവൻ വിഷയത്തിലും എ പ്ലസ് നേടിയ ഇരുനൂറ്റി പതിനഞ്ചോളം വിദ്യാർത്ഥികൾക്ക് 8-ാമത് കുമ്മായ മുകുന്ദൻ സ്‌മാരക പുരസ്‌കാരം നൽകി മാഹി സ്പോർട്‌സ് ക്ലബ്ബ് ആദരിച്ചു.

 മയ്യഴിയിലെ സാമൂഹ്യ രാഷ്ട്രീയമേഖലയിലെ സജീവ സാന്നിധ്യവും സ്വാതന്ത്ര്യ സമര സേനാനിയുമായിരുന്ന കുമ്മായ മുകുന്ദൻ്റെ മകനും HM ഇൻ്റർ നാഷണൽ ചെയർനുമായ  ഹരീഷ് മുകുന്ദൻ,മാഹി മേഖല വിദ്യാഭ്യാസ മേലധ്യക്ഷ  എം.എം. തനൂജ, മുൻ പ്രാധാനദ്ധ്യാപകൻ  സി. എച്ച്. പ്രഭാകരൻ, മുൻ മാഹി സ്പോർട്സ് ക്ലബ്ബ് പ്രസിഡൻ്റായ കെ. പി. സുനിൽ കുമാർ എന്നിവർ ചടങ്ങിൽ സംബന്ധിച്ച് ആശംസകൾ അർപ്പിച്ചു.

മാഹി സ്പോർട്സ് ക്ലബ്ബ് പ്രസിഡൻറ് ശ്രീ.കെ.സി. നിഖിലേഷ് അദ്ധ്യക്ഷം വഹിച്ച ചടങ്ങിൽ ക്ലബ്ബ് ജനറൽ സിക്രട്ടറി അടിയേരി ജയരാജൻ സ്വാഗതവും, വൈസ് പ്രസിഡൻറ്  വിനയൻ പുത്തലത്ത് നന്ദിയും പറഞ്ഞു.