*കസ്തൂർബാഗാന്ധി ഗവ. ഹൈസ്കൂളിൽ ശാസ്ത്രമേള*

പള്ളൂർ: കസ്തൂർബാഗാന്ധി ഗവ. ഹൈസ്കൂളിൽ ഓസോൺ ദിനാചരണത്തിന്റെ ഭാഗമായി ശാസ്ത്രമേള സംഘടിപ്പിച്ചു. റിട്ട. എ.ഇ.ഒ. കെ. തിലകൻ ഉദ്ഘാടനം ചെയ്തു. പ്രധാനാധ്യാപിക പി. സീതാലക്ഷ്മി അധ്യക്ഷയായി. ശാസ്ത്രാധ്യാപിക വി.പി. ഷമീദ സ്വാഗതവും സീനിയർ അധ്യാപിക കെ.ടി. രാധിക നന്ദിയും പറഞ്ഞു.

വിദ്യാർഥികൾ തയ്യാറാക്കിയ ഓസോൺ ദിന ചുവർപത്രികകൾ സമർപ്പിച്ചു. ശ്രീനന്ദ, റിയ ഫാത്തിമ, ലക്ഷ്മിക എന്നിവർ ഓസോൺ ദിന സന്ദേശം അവതരിപ്പിച്ചു. വിദ്യാർഥികൾ തയ്യാറാക്കിയ കൗതുകകരമായ ശാസ്ത്ര എക്സിബിറ്റുകളും മേളയിൽ പ്രദർശിപ്പിച്ചു.

തലശ്ശേരിയുടെ ശാസ്ത്രജ്ഞ ജാനകിയമ്മാൾ, മുൻ രാഷ്ട്രപതി ഡോ. എ.പി.ജെ. അബ്ദുൾ കലാം, സർ സി.വി. രാമൻ, മേരി ക്യൂറി എന്നിവരുടെ വേഷമണിഞ്ഞ വിദ്യാർഥികളും മേളയുടെ ഭാഗമായി.