*മാഹി ബൈപ്പാസിൽ സിഗ്നലിന് സമീപം വീണ്ടും അപകടം* 
 *ഒരാൾ മരണപ്പെട്ടു*

മാഹി: മാഹി മുഴപ്പിലങ്ങാട് ബൈപ്പാസിൽ പള്ളൂർ സിഗ്നലിന് സമീപത്തുണ്ടായ വാഹനാപകടത്തിൽ ഒരാൾ മരണപ്പെട്ടു

മാഹി ബൈപ്പാസ് ഈസ്റ്റ് പള്ളൂർ സിഗ്നലിൽ നിർത്തിയിട്ട ലോറിക്ക് പിന്നിൽ കാറിടിച്ചാണ് അപകടം 

 സിഗ്നലിൽ സിഗ്നൽ ലഭിക്കാനായി നിർത്തിയിട്ട ലോറിക്ക് പിന്നിൽ നിയന്ത്രണം വിട്ട എക്സ് യു വി  KA 05 NT 7587റജി. നമ്പർ കാറിടിച്ച് കാർ ഓടിച്ചിരുന്ന ആലപ്പുഴ സ്വദേശിയായ ശിവപ്രസാദാണ് (43) മരണപ്പെട്ടത്

.ഇന്ന് പുലർച്ചെ 3.30 നായിരുന്നു സംഭവം

     കാസർകോഡ് സുള്ള്യക്കടുത്ത് പുത്തൂരിൽ നിന്ന് മരം കയറ്റി  മലപ്പുറത്തേക്ക് പോകുകയായിരുന്നു ലോറിയുടെ പിറകിൽ ഇതേ ദിശയിൽ നിന്നും വന്ന കാർ   ഇടിക്കുകയായിരുന്നു

. ഇടിയുടെ ആഘാതത്തിൽ ലോറി അൽപ്പം  മുന്നോട്ട് നീങ്ങിയതായി ലോറി ഡ്രൈവർ പറഞ്ഞു.

    കർണ്ണാടക ഭാഗങ്ങളിലെ ക്ഷേത്രങ്ങളിൽ ദർശനം നടത്തി ആലപ്പുഴ യില്ലക്ക് പോകുകയായിരുന്ന കുടുബമാണ് അപകടത്തിൽ  പെട്ടത്. ശിവപ്രസാദാണ് കാർ ഓടിച്ചിരുന്നത്

  ഭാര്യ ദേവശ്രീയ്ക്ക് കാലിനാണ് പരിക്ക് .

 ഇവരെ തലശ്ശേരി ഇന്ദിരാഗാന്ധി ആസ്പത്രിയിൽ പ്രവേശിപ്പിച്ചു.

ഭാര്യ മുൻ സീറ്റിലായിരുന്നു ഇരുന്നത്. 

പിൻ സീറ്റിലിരുന്ന മക്കൾ രണ്ട് പേരും പരിക്കേൽക്കാതെ രക്ഷപ്പെട്ടു

  മരിച്ചയാളുടെ മൃതദേഹം തലശ്ശേരി ഗവ.ജനറൽ ആശുപത്രി മോർച്ചറിയിലേക്ക് മാറ്റി.

    തലശ്ശേരി അഗ്നിശമന സേനയും, തലശ്ശേരി പോലീസുമാണ് ആദ്യം അപകട സ്ഥലത്തെത്തിയത്. ഫയർ സർവീസ് കാർ വെട്ടിപ്പൊളിച്ചാണ് യാത്രക്കാരെ പുറത്തെടുത്തത്. ഡ്രൈവർ സംഭവ സ്ഥലത്ത് അബോധാവസ്ഥയിലായിരുന്നു. _ ആശുപത്രിക്ക് കൊണ്ടു പോകും വഴി ഇയാൾ മരണപ്പെട്ടു. പള്ളൂർ എസ്.ഐ. റെനിൽ കുമാറും സംഘവും അപകടസ്ഥലത്തെത്തി . പള്ളൂർ പോലീസ് സ്റ്റേഷൻ പരിധിയിലാണ് അപകടം നടന്ന സ്ഥലം

ശിവപ്രസാദിൻ്റെ ഭാര്യ: ദേവശ്രീ (മുംബൈ)

മക്കൾ: രജൽ, ധ്രുവി