നിരോധിത പുകയില ഉൽപ്പന്നങ്ങൾ വിൽപ്പന നടത്തുകയായിരുന്ന ഉത്തരേന്ത്യൻ സംസ്ഥാനക്കാരനെ പിടികൂടി

 

*തലശ്ശേരി പുതിയ ബസ്റ്റാൻഡ് പരിസരത്ത് നിരോധിത പുകയില ഉൽപ്പന്നങ്ങൾ വിൽപ്പന നടത്തുകയായിരുന്ന ഉത്തരേന്ത്യൻ സംസ്ഥാനക്കാരനെ പിടികൂടി  5000 രൂപ പിഴ അടപ്പിച്ചു*

തലശ്ശേരി : തലശ്ശേരി പുതിയ ബസ്റ്റാൻഡ് പരിസരത്ത് നിരോധിത പുകയില ഉൽപ്പന്നങ്ങൾ വിൽപ്പന നടത്തുകയായിരുന്ന കന്നയ്യ  എന്ന ഉത്തരേന്ത്യൻ സംസ്ഥാനക്കാരനെ 250 ഓളം നിരോധിത പുകയില ഉൽപ്പന്നങ്ങളുടെ പാക്കറ്റുകൾ സഹിതം നഗരസഭ ആരോഗ്യവിഭാഗം പിടികൂടി 5000 രൂപ പിഴ അടപ്പിച്ചു

ഹെൽത്ത് ഇൻസ്‌പെക്ടർമാരായ അനിൽ കുമാർ, രജിന, കുഞ്ഞിക്കണ്ണൻ നഗരസഭ ജീവനക്കാരൻ ദയാനന്ദൻ എന്നിവർ റെയിഡിൽ പങ്കെടുത്തു.

കഴിഞ്ഞ ഒരു വർഷത്തിനിടയിൽ ഇത്തരത്തിൽ നിരോധിത പുകയില ഉൽപന്നങ്ങൾ വിറ്റിരുന്ന 12 ഓളം ഉത്തരേന്ത്യൻ  സംസ്ഥാനക്കാരെ നഗരസഭാ ആരോഗ്യ വിഭാഗം പിടികൂടുകയും പിഴ അടപ്പിക്കുകയും ബോധവൽക്കരണവും കർശന നിർദേശവും നൽകി ഇത്തരം നിരോധിത പുകയില ഉൽപ്പന്നങ്ങൾ വിൽപ്പന നടത്തുന്നത്  നിർത്തിയിട്ടുള്ളതുമാണ്.

എന്നാൽ ഇന്ന് പിടികൂടിയ കന്നയ്യ എന്ന യുവാവ് നഗരസഭ ആരോഗ്യ വിവാഹത്തിന് പിടിതരാതെ ഒളിച്ചും പാത്തും  പ്രത്യേകിച്ച് അവധി ദിവസങ്ങളിൽ നിരോധിത പുകയിലോ വിൽപ്പന്നങ്ങൾ വിൽക്കുന്നുണ്ടായിരുന്നു.

ഇന്ന് കന്നയ്യയെ പിടികൂടി പിടികൂടി പിഴ അടപ്പിക്കുകയും ബോധവൽക്കരണം നടത്തുകയും ചെയ്തിട്ടുണ്ട്. ഇനി ഇത്തരം പ്രവർത്തികൾ മേലിൽ ആവർത്തിക്കില്ല എന്ന്  ഉറപ്പു തന്നിട്ടുമുണ്ട്.

ഇതോടുകൂടി  നിരോധിത പുകയില ഉൽപ്പന്നങ്ങൾ വില്പന നടത്താത്ത സമ്പൂർണ  ഇടമായി ബസ് സ്റ്റാൻഡും പരിസരവും മാറിയിരിക്കുകയാണ്.

നഗരസഭ ചെയർപേഴ്സൺ ശ്രീമതി ജമുനാ റാണി ടീച്ചർ, വൈസ് ചെയർമാൻ വാഴയിൽ ശശി, നഗരസഭാ സെക്രട്ടറി സുരേഷ് കുമാർ, ഹെൽത്ത് സൂപ്പർവൈസർ രാജീവ്,  കൗൺസിലർമാരായ ഗോപാലൻ, ഷീജ, ബിന്ദു തുടങ്ങിയവർ റെയിഡിന് നേതൃത്വം നൽകി.