*അഴിയൂർ അണ്ടിക്കമ്പനിയിൽ വൻ തീപിടുത്തം*
അഴിയൂർ : അഴിയൂരിൽ കശുവണ്ടി കോർപ്പറേഷന്റെ കീഴിലുള്ള 5 ഏക്കറോളമുള്ള സ്ഥലത്തെ റോഡരികിലെ കുറ്റിക്കാടിനാണ് ഇന്ന് രാവിലെ 11 മണിയോടെ തീപിടുത്ത മുണ്ടായത്.
തീ പടരുന്നത് കണ്ടയുടനെ നാട്ടുകാർ പോലീസിനെയും ഫയർഫോഴ്സിനെയും വിവരമറിയിച്ചു.
വടകരയിൽ നിന്ന് രണ്ട് യൂണിറ്റ് ഫയർ ഫോഴ്സും , മാഹിയിൽ നിന്ന് ഒരു യൂണിറ്റ് ഫയർ ഫോഴ്സുമെത്തിയാണ് തീയണച്ചത്.
തീ പിടുത്തത്തെത്തുടർന്ന് റോഡ് ഗതാഗതം ഏറെ നേരം തടസ്സപ്പെട്ടു
കശുവണ്ടി കോർപ്പറേഷന്റെ കീഴിലുള്ള അണ്ടിക്കമ്പനി പ്രവർത്തനം നിലച്ചിട്ട് വർഷങ്ങളായി.
കമ്പനിയുടെ സ്ഥലം പൂർണ്ണമായും കാടു പിടിച്ചു കിടക്കുകയാണ്.
കാട് വെട്ടിത്തെളിച്ച് സ്ഥലം വൃത്തിയാക്കിയാക്കണമെന്ന് നാട്ടുകാർ ആവശ്യപ്പെട്ടു.
Post a Comment