കണ്ണൂരില് സിപിഎം പാര്ട്ടി കോണ്ഗ്രസില് തമിഴ്നാട് മുഖ്യമന്ത്രി എം.കെ സ്റ്റാലിന് പങ്കെടുക്കും.
സിപിഎം പാര്ട്ടി കോണ്ഗ്രസില് തമിഴ്നാട് മുഖ്യമന്ത്രി എം.കെ സ്റ്റാലിന് പങ്കെടുക്കും . പാര്ട്ടി കോണ്ഗ്രസിന്റെ ഭാഗമായുള്ള സെമിനാറിലാണ് സ്റ്റാലിനും , കോണ്ഗ്രസ് നേതാക്കളായ പ്രൊഫ.കെ.വി തോമസ്, ശശിതരൂര് എംപി എന്നിവര് പങ്കെടുക്കുന്നത് .
കണ്ണൂരില് ഏപ്രില് ഒന്പതിന് നടക്കുന്ന സെമിനാറില് കേന്ദ്ര-സംസ്ഥാന സര്ക്കാരുകള് തമ്മിലുള്ള ബന്ധമെന്ന വിഷയത്തിലാണ് മുഖ്യമന്ത്രി പിണറായി വിജയനും എം.കെ സ്റ്റാലിനുമൊപ്പം കോണ്ഗ്രസ് നേതാവായ കെ.വി തോമസും പങ്കെടുക്കുന്നത്.
ഏപ്രില് ഏഴിന് മത നിരപേക്ഷത നേരിടുന്ന വെല്ലുവിളികള് എന്ന വിഷയത്തില് സംഘടിപ്പിക്കുന്ന സെമിനാറിലാണ് ശശി തരൂര് എംപി പങ്കെടുക്കുന്നത്. കണ്ണൂരില് ഏപ്രില് ആറു മുതല് പത്തു വരെ അഞ്ചു ദിവസമാണ് പാര്ട്ടി കോണ്ഗ്രസ്. കണ്ണൂര് ആദ്യമായാണ് പാര്ട്ടി കോണ്ഗ്രസിന് വേദിയാകുന്നത്. ഇത് അഞ്ചാം തവണയാണ് കേരളം പാര്ട്ടി കോണ്ഗ്രസിന് ആതിഥ്യം വഹിക്കുന്നത്.
1956 ല് നാലാം പാര്ട്ടി കോണ്ഗ്രസിന് പാലക്കാട് വേദിയായിരുന്നു . 1968 ഡിസംബറില് എട്ടാം പാര്ട്ടി കോണ്ഗ്രസ് കൊച്ചിയിലും 1988 ഡിസംബര് 27 മുതല് 1989 ജനുവരി ഒന്നുവരെ 13-ാം കോണ്ഗ്രസ് തിരുവനന്തപുരത്തും ചേര്ന്നു. 2012 ഏപ്രിലില് 20-ാം പാര്ട്ടി കോണ്ഗ്രസിന് കോഴിക്കോട് ആതിഥ്യം വഹിച്ചു. നാലു വര്ഷം കൂടുമ്ബോഴാണ് പാര്ട്ടി കോണ്ഗ്രസ് ചേരുന്നത്.
Post a Comment