ഇടുക്കിയിലെ 25 ടൂറിസ്റ്റ് കേന്ദ്രങ്ങള്
321 കിലോമീറ്ററാണ് മാഹിയിൽ നിന്നും ഇടുക്കിയിലേക്കുള്ള ദൂരം
8 മണിക്കൂറോളമാണ് ഇടുക്കിയിലേക്ക് നമ്മുടെ വാഹനത്തിൽ ഓടിയെത്തുവാനുള്ള സമയം
അറിയാം ഇടുക്കിയെ പറ്റിയും
മൂന്നാറിനെ പറ്റിയും
കേരളത്തില് ഏറ്റവും കൂടുതല് ടൂറിസ്റ്റ് കേന്ദ്രങ്ങളുള്ള ജില്ലയേതെന്ന് ചോദിച്ചാല് ഒരു പക്ഷെ ഇടുക്കി എന്നായിരിക്കും ഉത്തരം. അണക്കെട്ടുകളും മലനിരകളും തേയിലത്തോട്ടങ്ങളും തടാകങ്ങളുമൊക്കെയാണ് ഇടുക്കിയെ സഞ്ചാരികളുടെ പറുദീസയാക്കുന്നത്. ദക്ഷിണേന്ത്യയിലെ ഏറ്റവും വലിയ കൊടുമുടിയായ ആനമുടി. വലിപ്പത്തിന്റെ കാര്യത്തില് ലോകത്ത് തന്നെ രണ്ടാം സ്ഥാനമുള്ള ആര്ച്ച് ഡാമായ ഇടുക്കി അണക്കെട്ടും ഇടുക്കിയിലെ കൗതുകങ്ങളില് ചിലതുമാത്രമാണ്.
ഹണിമൂണ് ആഘോഷിക്കുന്നവര്ക്കും സാഹസികപ്രിയര്ക്കും ഉല്ലാസയാത്രയ്ക്ക് വരുന്നവര്ക്കുമൊക്കെ ഇടുക്കി ഒരു പോലെ പ്രിയപ്പെട്ട സ്ഥലമാണ്. മൂന്നാര് ആണ് ഇടുക്കി ജില്ലയിലെ ഏറ്റവും പ്രധാനപ്പെട്ട ടൂറിസ്റ്റ് കേന്ദ്രം. മൂന്നാര് കൂടാതെ വാഗമണ്, പീരുമേട്, രാമക്കല്മേട് തുടങ്ങിയ സ്ഥലങ്ങളും പ്രധാനപ്പെട്ട ടൂറിസ്റ്റ് കേന്ദ്രമാണ്. ഇതുകൂടാതെ മറ്റു പല സ്ഥലങ്ങളും ഇടുക്കിയിലുണ്ട് ഇടുക്കിയിലെ ടൂറിസ്റ്റ് കേന്ദ്രങ്ങള് പരിചയപ്പെടാം.
ഇടുക്കിയേക്കുറിച്ച് വായിക്കാം
01. രാമക്കൽമേട്
01. രാമക്കൽമേട്
ഇടുക്കിയില് നിര്ബന്ധമായും കണ്ടിരിക്കേണ്ട ടൂറിസ്റ്റ്കേന്ദ്രമാണ് രാമക്കല്മേട്.ചരിത്രപ്രാധാന്യ മുള്ള ഒരു കുന്നിന്പ്രദേശമാണിത്. ഇവിടെയുള്ള കുറവന്റേയും കുറത്തിയുടേയും പ്രതിമകള് സംഘകാലത്തിന്റെ ചരിത്രാവശിഷ്ടങ്ങളാണ്. ശ്രീരാമന് തന്റെ പത്നിയായ സീതാദേവിയെ തിരഞ്ഞ് ഈ കുന്നിലെത്തിയെന്ന് വിശ്വസിക്കപ്പെടുന്നു.
മഴയില് കരുത്തറിയിച്ച് ചില്ലിത്തോട് വെള്ളച്ചാട്ടം!
02. കുറിഞ്ഞിമല സാങ്ച്വറി
02. കുറിഞ്ഞിമല സാങ്ച്വറി
ഇടുക്കി ജില്ലയിലെ ദേവികുളം താലൂക്കില് വട്ടവട, കോട്ടകമ്പൂര് ഗ്രാമങ്ങളിലായി കുറിഞ്ഞിമല സാങ്ച്വറി വ്യാപിച്ച് കിടക്കുന്നു. അപൂര്വ്വയിനം സസ്യവന്യജാലങ്ങളുടെ അനവധി ശേഖരം ഇവിടെയുണ്ട്. പന്ത്രണ്ട് വര്ഷത്തിലൊരിക്കല് മാത്രം പുഷ്പിക്കുന്ന നീലക്കുറിഞ്ഞിയാണ് അവയില് ഏറെ പ്രമുഖമായ ഇനം.വംശമറ്റ്കൊണ്ടിരിക്കുന്ന ഈ മനോഹര പുഷ്പത്തിന് 32 ചതുരശ്ര കിലോമീറ്റര് വലുപ്പത്തില് വിശാലമായ ഒരു തോപ്പ് തന്നെ ഇവിടെയുണ്ട്.
03. ചെറുതോണി .
03. ചെറുതോണി
ഇടുക്കിയില് സ്ഥിതിചെയ്യുന്ന ചെറുതോണി ഡാം കേരളത്തിലെ പ്രസിദ്ധമായ ഡാമുകളിലൊ ന്നാണ്. പെരിയാര് നദിയുടെ പ്രധാന പോഷകനദിയായ ചെറുതോണി പുഴയ്ക്ക് കുറുകെയാണ് ഈ ഡാം പണിതിരിക്കുന്നത്. സമീപപ്രദേശങ്ങളായ കരിമ്പന്, മഞ്ഞപ്പാറ വാഴത്തോപ്പ്, തടിയമ്പാട്, മണിയറന്കുടി എന്നിവിടങ്ങളിലേക്കുള്ള വൈദ്യുതി ഉത്പാദിപ്പിക്കുന്നത് ഈ ഡാമില് നിന്നാണ്.
04. കുളമാവ്
04. കുളമാവ്
സമുദ്രനിരപ്പില് നിന്ന് ഏകദേശം 3000 അടി ഉയരത്തില് നിലകൊള്ളുന്ന കുളമാവ്, ഇടുക്കിയിലെ പ്രസിദ്ധമായ കുന്നിന്പ്രദേശമാണ്. ട്രെക്കിംങിനും അനുയോജ്യമാണീ സ്ഥലം. പാറക്കുന്നു കള്ക്കിടയില് കിടക്കുന്ന ഈ ജലാശയത്തിന്റെ വിസ്തൃതി 33 ചതുരശ്ര കിലോമീറ്ററാണ്. ഇടുക്കി ജലാശയ പദ്ധതിയുമായ് ബന്ധപ്പെട്ട മൂന്ന് പ്രമുഖ ഡാമുകളിലൊന്നാണിത്.
05. നെടുങ്കണ്ടം ഹിൽസ് .
05. നെടുങ്കണ്ടം ഹിൽസ്
ഇടുക്കി ജില്ലയിലെ ഉടുമ്പന്ചോല താലൂക്കിലാണ് നെടുങ്കണ്ടം ഹില് സ്ഥിതിചെയ്യുന്നത്. സമുദ്ര നിരപ്പില് നിന്ന് 3200 അടി ഉയരത്തില് നിലകൊള്ളുന്ന ഈ ചെറുപട്ടണം മൂന്നാറിനും തട്ടേക്കാട് സാങ്ച്വറിക്ക് 3 കിലോമീറ്റര് അകലെയുമായി സ്ഥിതിചെയ്യുന്നു. സുഗന്ധവിളകളായ കാപ്പിക്കുരുവിന്റേയും ഏലയ്ക്കയുടേയും കുരുമുളകിന്റേയും നാടാണിത്.
06. പാൽക്കുളമേട്
06. പാൽക്കുളമേട്
സമുദ്രനിരപ്പില് നിന്ന് 3125 മീറ്റര് ഉയരത്തില് നിലകൊള്ളുന്ന ഗിരിശൃംഗമാണ് പാല്കുളമേട്. ഇടുക്കിയില് നിന്ന് 12 കിലോമീറ്റര് അകലെയായിട്ടാണ് ഇത് സ്ഥിതിചെയ്യുന്നത്. അതിപുരാതന കുന്നുകളും പച്ചപുതച്ച താഴ്വരകളും ഈ മേടിനെ സന്ദര്ശകരുടെ പ്രിയഭൂമിയാക്കുന്നു.
07. മൂന്നാർ
07. മൂന്നാർ
കേരളത്തിലെ മനോഹരമായ ഒരു ഹില് സ്റ്റേഷനാണ് മൂന്നാര്. ഇടുക്കി ജില്ലയില് സ്ഥിതിചെയ്യുന്ന മൂന്നാറിനെ ആദ്യഅനുഭവത്തില്ത്തന്നെ നമ്മള് ഇഷ്ടപ്പെട്ടുപോകും. പശ്ചിമഘട്ടമലനിരകളിലാണ് മൂന്നാറിന്റെ സ്ഥാനം. മധുരപ്പുഴ, നല്ലത്തന്നി, കണ്ടലി എന്നിങ്ങനെ മൂന്ന് പുഴകളുമായി ബന്ധപ്പെട്ടാണ് ഈ സ്ഥലത്തിന് മൂന്നാര് എന്ന പേരുവീണത്.
08. ആട്ടുകൽ
08. ആട്ടുകൽ
വെള്ളച്ചാട്ടം തന്നെയാണ് ആട്ടുകലിലെയും പ്രധാന ആകര്ഷണം. മൂന്നാറില് നിന്നും 9 കിലോമീറ്റര് മാറിയാണ് ഈ സ്ഥലം. മൂന്നാറിനും പള്ളിവാസലിനും ഇടയിലാണ് ഈ വെള്ളച്ചാട്ടം. പള്ളിവാസലിലേയ്ക്കുള്ള ട്രിപ്പില്ത്തന്നെ ആട്ടുകല് വെള്ളച്ചാട്ടവും കാണാവുന്നതാണ്.
09. പള്ളിവാസൽ
09. പള്ളിവാസൽ
മൂന്നാര് നഗരത്തില് നിന്നും 8 കിലോമീറ്റര് മാറി ദേവികുളത്താണ് പള്ളിവാസല് വെള്ളച്ചാട്ടമുള്ളത്, വെള്ളച്ചാട്ടം വലിപ്പം കൊണ്ട് ചെറുതാണെങ്കിലും ഇതിന്റെ കാഴ്ച മനോഹരമാണ്. ദേവികുളത്തെ മറ്റൊരു ആകര്ഷണമാണ് സീത ദേവി തടാകത്തിന് അടുത്തായിട്ടാണ് ഈ വെള്ളച്ചാട്ടം.
10. ഇരവികുളം
10. ഇരവികുളം
പശ്ചിമഘട്ട മലനിരകളില് 97 ചതുരശ്രകിലോമീറ്ററിലേറെ സ്ഥലത്ത് പരന്നുകിടക്കുന്നതാണ് ഈ ഉദ്യാനം. ഇന്ത്യയിലെ തന്നെ ഏറ്റവും വലിയ ജൈവവൈവിധ്യമുള്ള സ്ഥലങ്ങളില് ഒന്നായിട്ടാണ് ഇതിനെ കണക്കാക്കുന്നത്. വനം,വന്യജീവി വകുപ്പിന്റെ കീഴിലാണ് ഈ സ്ഥലം. വരയാടുകളാണ് ഇവിടുത്തെ ഏറ്റവും പ്രധാനപ്പെട്ട ജീവിവര്ഗ്ഗം.
11. പോത്തൻമേട്
11. പോത്തൻമേട്
മൂന്നാറിലെത്തിയാല് തീര്ച്ചയായും സന്ദര്ശിച്ചിരിക്കേണ്ട സ്ഥലമാണിത്. മനോഹരമായ ഒരു കൊച്ചുഗ്രാമമാണിത്. മൂന്നാര് ടൗണില് നിന്നും 6 കിലോമീറ്റര് സഞ്ചരിച്ചാല് ഇവിടെയെത്താം. ഇവിടെയുള്ള ഒരു വ്യൂപോയിന്റില് നിന്നും മൂന്നാറിന്റെ വിദൂരഭംഗി ആസ്വദിയ്ക്കാം.
12. ആനയിറങ്ങല്
12. ആനയിറങ്ങല്
മൂന്നാറില് നിന്നും 22 കിലോമീറ്റര് സഞ്ചരിച്ചുവേണം ഈ സ്ഥലത്തെത്താന്. തേയിലത്തോട്ടങ്ങളും, അണക്കെട്ടും, തടാകവുമാണ് ഇവിടുത്തെ ആകര്ഷണങ്ങള്. ആനയിറങ്ങള് തടാകവും അണക്കെട്ടും കാണാന് ഏറെ സഞ്ചാരികള് എത്തുന്നുണ്ട്. തടാകത്തില് വെള്ളംകുടിയ്ക്കാനെത്തുന്ന കാട്ടാനക്കൂട്ടങ്ങളെയും ഇടക്കിടെ കാണാം. മൈലുകളോളും നീളുന്ന കാടുകളും, തേയിലത്തോട്ടങ്ങളും ഇവിടെകാണാം. ടാറ്റ ടീ പ്ലാന്റേഷനാണ് മറ്റൊരു ആകര്ഷണം.
13. രാജമല
13. രാജമല
മൂന്നാറില് നിന്നും 15 കിലോമീറ്റര് അകലെയാണ് രാജമല. നീലഗിരി വരയാടുകളുടെ വാസസ്ഥലമാണിത്. ലോകത്തെ ആകെയുള്ള വരയാടുകളില് പകുതിയോളവും ഉള്ളത് ഇരവികുളം-രാജമല ഭാഗത്താണെന്നാണ് കണക്ക്. വംശനാശം സംഭവിച്ചുകൊണ്ടിരിക്കുന്ന വരയാടുകള്തന്നെയാണ് രാജമലയിലെ ഏറ്റവും പ്രധാന ആകര്ഷണം. ഇവയെകാണാനായി പ്രതിദിനം അനേകം സഞ്ചാരികളാണ് ഇവിടെയെത്തുന്നത്.
14. എക്കോപോയന്റ്
14. എക്കോപോയന്റ്
മൂന്നാറില് നിന്നും 13 കിലോമീറ്റര് അകലെയാണ് എക്കോ പോയിന്റ്. യുവസഞ്ചാരകള്ക്കിടയില് ഏറെ പ്രശസ്തമാണ് ഈ കേന്ദ്രം. മനോഹരമായ തടാകതീരത്താണ് മൂന്നാറിലെ എക്കോ പോയിന്റ്. നമ്മളുണ്ടാക്കുന്ന ശബ്ദത്തിന്റെ പ്രതിധ്വനികള് വീണ്ടുംവീണ്ടും കേള്ക്കുകയെന്നത് ആരും ഇഷ്ടപ്പെടുന്ന കാര്യമാണ്. ഇവിടെയെത്തുന്ന ചെറുപ്പക്കാരുടെ പ്രധാന വിനോദവും ഇതുതന്നെയാണ്.
15. നാടുകാണി
15. നാടുകാണി
മൂന്നാര് ടൗണില് നിന്നും 25 കിലോമീറ്റര് അകലെ ഒരു മലയുടെ മുകളിലാണ് ഈ സ്ഥലം. സമുദ്രനിരപ്പില് നിന്നും മൂവായിരത്തോളം അടി ഉയരത്തിലാണ് ഇതിന്റെ നില്പ്പ്. ചുറ്റുപാടുമുള്ള മലനിരകളുടെയും കാടുകളുടെയും മേടുകളുടെയുമെല്ലാം മനോഹരമായ കാഴ്ച ഇവിടെനിന്നാല് കാണാം. പക്ഷിനിരീക്ഷണത്തില് താല്പര്യമുള്ളവര്ക്ക് പറ്റിയ ലൊക്കേഷനാണിത്.
16. മീനുളി.
16. മീനുളി
മൂന്നാറിന് വളരെ അടുത്തുള്ള പ്രശസ്തമായൊരു സ്ഥലമാണിത്. ട്രക്കിങ് പ്രിയര്ക്ക് പറ്റിയസ്ഥലമാണിത്. നിത്യഹരിത വനവും, കൂറ്റന് പാറയുമാണ് ഇവിടുത്തെ പ്രധാനപ്പെട്ട കാഴ്ചകള്. ഏതാണ്ട് 500 ഏക്കറില് പരന്നുകിടക്കുന്നതാണ് ഈ അസാധാരണമായ പാറ. ഇതിന് മുകളില് നിന്നാല് ലോവര് പെരിയാറിന്റെയും ഭൂതത്താന്കെട്ടിന്റെയും കാഴ്ചകള് കാണാം.
17. ദേവികുളം
17. ദേവികുളം
ദൈവത്തിന്റെ സ്വന്തം നാടായ കേരളത്തിലെ മനോഹരമായ ഒരു ഹില് സ്റ്റേഷനാണ് ദേവികുളം. ഇടുക്കി ജില്ലയില് സ്ഥിതിചെയ്യുന്ന ദേവികുളം മൂന്നാറില് നിന്നും അടുത്താണ്. മനോഹരമായ പ്രകൃതിയും കാലാവസ്ഥയുമാണ് ഏതൊരു ഹില് സ്റ്റേഷനിലെയും പോലെ ദേവികുളത്തെയും പ്രത്യേകത.
18. മാട്ടുപ്പെട്ടി
18. മാട്ടുപ്പെട്ടി
സമുദ്രനിരപ്പില് നിന്നും 1700 അടി ഉയരത്തില് കിടക്കുന്ന തടാകമാണിത്. നിബിഢ വനങ്ങലും പുല്മേടുകളുമെല്ലാമാണ് ഈ തടാകത്തിന് ചുറ്റുമുള്ള കാഴ്ച. വെറുതെ ഈ തടാകക്കരയില് നില്ക്കുന്നതുതന്നെ മനസ്സിലെ കുളിര്പ്പിയ്ക്കും. പ്രകൃതിസൗന്ദര്യം ആസ്വദിയ്ക്കാന് താല്പര്യമുള്ളവര് വിട്ടുകളയാന് പാടില്ലാത്തൊരു സ്ഥലമാണിത്.
19. തൂവാനം
19. തൂവാനം
മറയൂരില് നിന്നും 10 കിലോമീറ്റര് മാറി ചിന്നാര് വന്യജീവിസങ്കേതത്തിനുള്ളിലാണ് ഈ വെള്ളച്ചാട്ടമുള്ളത്. മനോഹരമായ കാഴ്ചയാണ് വെള്ളച്ചാട്ടത്തിന്റേത്. വെള്ളിപ്പാളികള്പോലെ ഒലിച്ചുവീഴുന്ന വെള്ളവും ചുറ്റുമുള്ള പച്ചപ്പുമെല്ലാം കണ്ണിന് ആനന്ദം പകരുന്നതാണ്. ഫോട്ടോഗ്രാഫര്മാര്ക്ക് മനോഹരമായ ദൃശ്യങ്ങള് പകര്ത്താന് പറ്റിയസ്ഥലമാണിത്.
20. വാഗമൺ
20. വാഗമൺ
കേരളത്തിലെ കോട്ടയം, ഇടുക്കി ജില്ലകളുടെ അതിര്ത്തിയില് കിടക്കുന്ന ഈ സ്ഥലം സംസ്ഥാനത്തെ ഒരു പ്രധാന ഹണിമൂണ് ലൊക്കേഷനാണ്. പരന്നുകിടക്കുന്ന പച്ചപ്പുല്മേടുകളും നീലമയുള്ള മലനരികളും, പാറക്കൂട്ടങ്ങള്ക്കിടയിലൂടെ ഒഴുകിയെത്തുന്ന പുഴകളും വെള്ളച്ചാട്ടങ്ങളും ചില്ലുപോലെ നിശ്ചലമായി കിടക്കുന്ന തടാകങ്ങളുമെല്ലാം ചേര്ന്ന് വാഗമണിനെ സ്വര്ഗീയമാക്കുന്നു.
21. പീരുമേട്
21. പീരുമേട്
ഇടുക്കി ജില്ലയിലെ മലയോരപട്ടണമാണ് പീരുമേട്. കേരളത്തിന്റെ ടൂറിസം ഭൂപടത്തില് ഏറെ പ്രധാനപ്പെട്ടൊരു ഹില് സ്റ്റേഷനാണിത്. മനോഹരമായ കാലാവസ്ഥയും പ്രകൃതിയുമാണ് പീരുമേടിന്റെ പ്രത്യേകത. തിരുവിതാംകൂര് രാജകുടുംബവുമായി അടുത്ത ബന്ധമുണ്ടായിരുന്ന സൂഫിവര്യന് പീര് മുഹമ്മദിന്റെ പേരുമായി ബന്ധപ്പെട്ടാണത്രേ പീരുമേടിന് ആ പേര് ലഭിച്ചത്. കോട്ടയം ജില്ലയില് നിന്നും 75 കിലോമീറ്ററാണ് പീരുമേട്ടിലേയ്ക്കുള്ള ദൂരം. ഇടുക്കിയില് നിന്നും തേക്കടിയിലേയ്ക്ക് പോകുന്ന വഴിയിലാണ് ഈ സ്ഥലം.
22. കുട്ടിക്കാനം
22. കുട്ടിക്കാനം
പീരുമേട്ടിലെ പ്രധാന ആകര്ഷണ കേന്ദ്രമാണ് കുട്ടിക്കാനം. സമുദ്രനിരപ്പില് നിന്നും 3500 അടി ഉയരത്തിലാണ് ഈ സ്ഥലം സ്ഥിതിചെയ്യുന്നത്. തിരുവിതാംകൂര് രാജാക്കന്മാരുടെ ഇഷ്ടവേനല്ക്കാല വിനോദകേന്ദ്രമായിരുന്നു ഇത്. ഇവിടുത്തെ മനോഹരമായ കാലാവസ്ഥയും പ്രകൃതിയും ചേര്ന്ന് ഇപ്പോള് ഇതിനെ കേരളത്തിലെ പ്രധാനപ്പെട്ട ഹണിമൂണ് ലൊക്കേഷനുകളില് ഒന്നാക്കി മാറ്റിയിട്ടുണ്ട്.
23. ത്രിശങ്കു ഹിൽസ്
23. ത്രിശങ്കു ഹിൽസ്
പീരുമേട്ടില് നിന്നും 4 കിലോമീറ്റര് സഞ്ചരിച്ചാല് ത്രിശങ്കു കുന്നിലെത്താം. ഈ ഭാഗത്തുനിന്നുമുള്ള ചുറ്റുപാടിന്റെ കാഴ്ച മനോഹരമാണ്. നഗരത്തിലെ തിരക്കുകളില് നിന്നുമാറി പിക്നിക്കിനും മറ്റും പറ്റിയ സ്ഥലമാണിത്. സുഖശീതളിമയുള്ള കാറ്റും, ചുറ്റുപാടുമുള്ള കുന്നുകളുമെല്ലാം ചേര്ന്ന് ഈ സ്ഥലത്തെ മനോഹരമാക്കുന്നു.
24. ഇടുക്കി ആർച്ച് ഡാം
24. ഇടുക്കി ആർച്ച് ഡാം
സ്വദേശികളും വിദേശികളുമായ ധാരാളം സന്ദര്ശകര് ദിവസവും ഇടുക്കിയില് വന്ന്പോകുന്നു. വലുപ്പത്തില് ലോകത്തിലെ ഏറ്റവും വലിയ രണ്ടാമത്തെ ആര്ച് ഡാമാണ് ഇടുക്കി ആര്ച് ഡാം. ഏഷ്യയില് ഒന്നാമത്തേതും. കുറവന് മല, കുറത്തിമല എന്നീ രണ്ട് കുന്നുകള്ക്കിടയില് പെരിയാര് നദിക്ക് കുറുകെയായ് മനോഹരമായി രൂപകല്പന ചെയ്താണ് ഡാം പണിതിരിക്കുന്നത്.
25. ഹിൽവ്യൂ പാർക്ക് .
25. ഹിൽവ്യൂ പാർക്ക്
ഇടുക്കിയില് നിന്ന് ഒന്നര കിലോമീറ്റര് മാത്രം അകലെയാണ് ഹില് വ്യൂ പാര്ക്ക്. മനോഹര മായി സജ്ജീകരിച്ച ഈ ഉദ്യാനം 8 ഏക്കറുകളിലായ് പരന്ന്കിടക്കുന്നു. ഇതിന്റെ ചാരുതയ്ക്ക് മോടി കൂട്ടാന് പ്രകൃതിദത്തമായ ഒരു തടാകവും ഇതിനകത്തുണ്ട്. പേര് സൂചിപ്പിക്കുന്നത് പോലെ പരിസ്ഥിതിയുടെ മനോഹരമായ പുറം കാഴ്ച ഇവിടെ നിന്ന് കിട്ടുന്നു
മൂന്നാർ
മൂന്ന് ആറുകളായ മുതിരപ്പുഴ, നല്ലതണ്ണി, കുണ്ടള എന്നിവയുടെ സംഗമസ്ഥാനമാണ് മൂന്നാര്. തെക്കേ ഇന്ത്യയിലെ ബ്രിട്ടീഷ് ഭരണാധികാരികളുടെ വേനല്ക്കാല സുഖവാസ കേന്ദ്രമായിരുന്നു മൂന്നാര്. വിശാലമായ തേയിലത്തോട്ടങ്ങള്, മനോഹരമായ ചെറു പട്ടണങ്ങള്, വളഞ്ഞുയര്ന്നും താഴ്ന്നും പോവുന്ന പാതകള്, അവധി ആഘോഷത്തിന് യോജിച്ച സൗകര്യങ്ങള് എന്നിങ്ങനെ മൂന്നാര് ഇന്ന് ഏറെ ജനകീയമായ വിനോദ സഞ്ചാര കേന്ദ്രമാണ്. പുല്മേടുകളും, ഷോലക്കാടുകളും തേയിലത്തോട്ടങ്ങളുമാണ് മൂന്നാറിന്റെ പ്രകൃതിഭംഗി ഒരുക്കുന്നത്. പന്ത്രണ്ട് വര്ഷത്തിലൊരിക്കല് പൂക്കുന്ന നീലക്കുറിഞ്ഞി ഷോലക്കാടുകളിലും, പുല്മേടുകളിലും നീല നിറം പകരും. 2018-ലായിരുന്നു അവസാനമായി നീലക്കുറിഞ്ഞി പൂത്തത്. ഇനി 2030-ല് ഈ കുറിഞ്ഞി പുഷ്പിക്കല് കാണാം. തെക്കേയിന്ത്യയിലെ ഏറ്റവും ഉയര്ന്ന കൊടുമുടിയായ ആനമുടി, 2695 മീറ്റര്, മൂന്നാറിനടുത്താണ്. ഈ മേഖല സാഹസിക നടത്തത്തിന് യോജിച്ചതാണ്.
മൂന്നാറിനടുത്ത് സഞ്ചാരികള്ക്ക് ആഹ്ലാദം പകരുന്ന സ്ഥലങ്ങളും, ഉല്ലാസത്തിനും യോജിച്ച സ്ഥലവും മറ്റു പ്രധാന കേന്ദ്രങ്ങളും താഴെ വിശദീകരിക്കാം.
ഇരവികുളം ദേശീയോദ്യാനം മൂന്നാറിനടുത്തു സഞ്ചാരികളെ ആകര്ഷിക്കുന്ന ഏറ്റവും പ്രധാന കേന്ദ്രമാണ്. വംശനാശം നേരിടുന്ന വരയാടിനെ സംരക്ഷിക്കാനുള്ള പ്രത്യേക സംരക്ഷിത മേഖലയാണിത്. 97 ചതുരശ്ര കിലോമീറ്റര് വിസ്തൃതിയുണ്ട് ഈ സംരക്ഷിത വനമേഖലയ്ക്ക്. പന്ത്രണ്ടു വര്ഷത്തിലൊരിക്കല് പൂക്കുന്ന നീലക്കുറിഞ്ഞിയുടെ പുഷ്പിക്കല് സമയത്ത് ഇരവികുളം ദേശീയോദ്യാനത്തിലേക്കുള്ള സന്ദര്ശക പ്രവാഹം പത്തിരട്ടിയാവും.
ഇരവികുളം ദേശീയോദ്യാനത്തിന് ഉള്ളിലാണ് പശ്ചിമഘട്ടങ്ങളിലെ ഏറ്റവും വലിയ കൊടുമുടിയായ ആനമുടി. 2700 മീറ്ററോളം ഉയരമുണ്ട് ഇതിന്. വനം വകുപ്പിന്റെ അനുമതിയോടെ ആനമുടിയിലേക്ക് ദീര്ഘദൂര നടത്തത്തിന് അനുമതിയുണ്ട്. മൂന്നാറിലെ ഇരവികുളം ദേശീയോദ്യാനം അധികൃതരാണ് അനുമതി നല്കേണ്ടത്.
മൂന്നാര് ടൗണില് നിന്ന് 12 കി. മീ. അകലെയാണ് മാട്ടുപ്പെട്ടി. 1700 മീറ്റര് ഉയരത്തിലുള്ള മാട്ടുപ്പെട്ടിയില് പഴയ അണക്കെട്ടും വലിയ ജലാശയവുമുണ്ട്. ഈ തടാകത്തില് ബോട്ടിംഗിനും സൗകര്യങ്ങളുണ്ട്. ചുറ്റുമുള്ള കുന്നുകളും തോട്ടങ്ങളും കാണാന് കഴിയും. ഇന്ഡോ-സ്വിസ്സ് പദ്ധതി പ്രകാരം നടക്കുന്ന കന്നുകാലി പ്രജനന കേന്ദ്രവും ഇവിടെയാണ്. ഉയര്ന്ന പാലുല്പാദന ശേഷിയുള്ള പശുക്കളെ ഇവിടെ കാണാനാകും.
മൂന്നാറില് നിന്ന് 3 കി. മീ. താഴേയാണ് ചിത്തിരപുരത്തെ പള്ളിവാസല്. കേരളത്തിലെ ആദ്യത്തെ ജലവൈദ്യുത പദ്ധതി ഇവിടെയാണ്. ഒട്ടേറെ റിസോര്ട്ടുകളുള്ള പള്ളിവാസല് നല്ല ഉല്ലാസകേന്ദ്രമാണ്.
പവര് ഹൗസ് വെള്ളച്ചാട്ടം എന്നറിയപ്പെടുന്ന ചിന്നക്കനാല് മൂന്നാറിനടുത്താണ്. കടല് നിരപ്പില് നിന്ന് 2000 മീറ്റര് ഉയരത്തിലാണ് ഈ വെള്ളച്ചാട്ടം. ചിന്നക്കനാലില് നിന്നു 7 കി. മീ. യാത്ര ചെയ്താല് ആനയിറങ്കല് എത്താം. തേയിലത്തോട്ടങ്ങളും സ്വാഭാവിക വനങ്ങളും വലയം ചെയ്യുന്ന തടാകവും ഒരു അണക്കെട്ടും ഉണ്ട്. ആന ഉള്പ്പെടെ വന്യമൃഗങ്ങളെയും കാണാം. ചിന്നക്കനാലും ആനയിറങ്കലും താമസ സൗകര്യങ്ങളുള്ള പ്രകൃതി സുന്ദരമായ പ്രദേശങ്ങളാണ്.
മൂന്നാറില് നിന്ന് 32 കി. മീ. അകലെയാണ് ടോപ്സ്റ്റേഷന്. മൂന്നാര് - കൊഡൈക്കനാല് റോഡില് സമുദ്ര നിരപ്പില് നിന്നും 1700 മീറ്റര് ഉയരെയാണ് ഈ സ്ഥലം. തമിഴ്നാട് തെക്കുഭാഗത്തായി കൊളുക്കു മലയും, വടക്കു പടിഞ്ഞാറായി കുണ്ടള പ്രദേശങ്ങളും കാണാന് കഴിയുന്ന ടോപ്സ്റ്റേഷനില് നിന്ന് കൊഡൈക്കനാല് വരെ നീളുന്ന നടപ്പാതയുണ്ട്.
തേയില തോട്ടങ്ങളുടെ ആരംഭവും വളര്ച്ചയും മൂന്നാറിന്റെ ചരിത്രം കൂടെയാണ്. മൂന്നാറിന്റെ ഈ പ്രാധാന്യം കണക്കിലെടുത്ത് ടാറ്റാ ടീയാണ് തോട്ടങ്ങളുടെ ഉദ്ഭവവും വളര്ച്ചയും രേഖപ്പെടുത്തുന്ന ടീ മ്യൂസിയം ആരംഭിച്ചത്. മൂന്നാറിലെ ടാറ്റാ ടീയുടെ നല്ലതണ്ണി എസ്റ്റേറ്റിലാണ് ഈ മ്യൂസിയം. ആദ്യകാലത്ത് സമയമളക്കാന് ഉപയോഗിച്ചിരുന്ന നിഴലളക്കുന്ന സൂര്യഘടികാരം (സണ്ഡയല്) ഇവിടെ പ്രദര്ശിപ്പിച്ചിട്ടുണ്ട്.
എങ്ങനെ എത്താംഅടുത്തുളള റെയില്വേസ്റ്റേഷന് : ആലുവ 108 കി.മീ., അങ്കമാലി 109 കി. മീ. | വിമാനത്താവളം : കൊച്ചി അന്താരാഷ്ട്ര വിമാനത്താവളം 108 കി. മീ.
Post a Comment