*എൻ.എച്ച് എം ജീവനക്കാർ ജോലിയിൽ നിന്നും വിട്ടു നിന്നു സമരം ചെയ്തു*
മാഹി: സർക്കാർ പ്രഖ്യാപിച്ച പത്തായിരം രൂപ ഉടൻ നൽകുക. തുല്യ ജോലിക്ക് തുല്യ വേതനം. ഒഴിഞ്ഞു കിടക്കുന്ന തസ്തികകളിൽ എൻ.എച്ച്.എം ജീവനക്കാരെ നിയമിക്കുക എന്നീ ആവശ്യങ്ങളുമായി പുതുച്ചേരി യുനൈറ്റഡ് ഹെൽത്ത് എംപ്ലോയീസ് അസോസിയേഷൻ നടത്തുന്ന സംസ്ഥാന വ്യാപക സമരത്തിന് പിന്തുണ നൽകി കൊണ്ട് മാഹി മേഖലയിലെ എൻ.എച്ച് എം ജീവനക്കാർ
കാലത്ത് 9 മണി മുതൽ 10 മണി വരെ
ഒരു മണിക്കൂർ ജോലിയിൽ നിന്നും വിട്ടു നിന്നു കൊണ്ട് സമരത്തോട് അനുഭാവം പ്രകടിപ്പിച്ചു. മാഹി ഗവൺമെൻ്റ് ഹോസ്പിറ്റൽ എംപ്ലോയീസ് അസോസിയേഷൻ്റെയും,കൗൺസിൽ ഓഫ് സർവ്വീസ് ഓർഗനൈസേഷൻ്റെ നേതൃത്വത്തിലാണ് മാഹിയിൽ സമരം.
മാഹി ജനറൽ ആശുപത്രിക്ക് മുമ്പിൽ പ്രതിഷേധ യോഗം ഹോസ്പിറ്റൽ എംപ്ലോയിസ് അസോസിയേഷൻ പ്രസിഡൻ്റ് സി എച്ച് വസന്തയുടെ അധ്യക്ഷതയിൽ സി.ജി.ഇ.സി അഖിലേന്ത്യ സെക്രട്ടറി കെ ഹരീന്ദ്രൻ ഉൽഘാടനം ചെയ്തു.
ഹോസ്പിറ്റൽ എംപ്ലോയിസ് അസോസിയേഷൻ ജനറൽ സെക്രട്ടറി കെ എം പവിത്രൻ.സി എസ് ഒ പ്രസിഡൻ്റ് കെ രാധാകൃഷ്ണൻ, കുനിയിൽ രാധാകൃഷ്ണൻ, എം എ കൃഷ്ണൻ, സി എച്ച് വേലായുധൻ, എൻ മോഹനൻ, പി കെ സജീന്ദ്രൻ, ടി രാമകൃഷ്ണൻ, പി ലീന, ആർ രാജേന്ദ്രകുമാർ, കെ അനിൽ, പി പി രാജേഷ്,മുഹമ്മദലി എന്നിവർ സംസാരിച്ചു. ആദർശ് സുകുമാർ, സണ്ണി ഫെർണ്ണാണ്ടസ്, ജയന്തി പ്രജിത്ത്, ജീവൻ എന്നിവർ സമരത്തിന് നേതൃത്വം കൊടുത്തു
Post a Comment