വിശ്വാസത്തിന്റെ ദീപനാളങ്ങളും ഭക്തിസാന്ദ്രമായ പ്രാർത്ഥനാ മന്ത്രങ്ങളും അലയടിച്ച്  മയ്യഴിയുടെ തെരുവീഥികൾ :ആവിലമാതാവിന് ഭക്തിനിർഭരമായ സ്വീകരണം

തിരുനാൾ ജാഗര ദിവസമായ ഇന്ന് കോഴിക്കോട് അതിരൂപത വികാരി ജനറൽ മോൻസിഞ്ഞോർ

 ഡോ. ജൻസൻ പുത്തൻവീട്ടിൽന്റെ മുഖ്യ കാർമികത്വത്തിൽ ആഘോഷമായ ദിവ്യബലി അർപ്പിച്ചു ഫാദർ ബിനോയ് എബ്രഹാം ഫാദർ ഗ്രേഷ്യസ് ടോണി നേവസ് ഫാദർ ജോസ് യേശുദാസ് ഫാദർ മാത്യു ഫാദർ സ്കറിയ ഡിക്കന്മാരായ ജോണി അരഞ്ഞാണിയിൽ ആന്റണി കുന്നുംപുറം എന്നിവർ സഹകാ ർമികരായിരുന്നു തുടർന്ന് നൊവേന പരിശുദ്ധ കുർബാനയുടെ ആശീർവാദത്തിന് ശേഷം  മയ്യഴിയുടെ തെരുവീഥികളിൽ ആത്മീയ ചൈതന്യം നിറച്ച് അമ്മ ത്രേസ്യാ പുണ്യവതിയുടെ തിരുസ്വരൂപം വഹിച്ചുള്ള നഗര പ്രദക്ഷിണം നടന്നു.

രാത്രി ഏഴിന്ബാന്റ്മേളം കുരിശ് വാഹകർ, ചെണ്ടമേളം,കൊമ്പിരി , ഭക്ത ജനങ്ങൾ എന്നീ അകമ്പടിയോടെ വിശുദ്ധയുടെ ദാരുശില്പം ദീപാലംകൃതമായ രഥത്തിൽ വഹിച്ച് നഗരവീഥികളിലൂടെ നീങ്ങിയപ്പോൾ, കയ്യിൽ തിരികൊളുത്തിയ മെഴുകുതിരികളുമായി ഭക്തജനങ്ങൾ പ്രാർത്ഥനാപൂർവ്വം അനുഗമിച്ചു. 

 മുണ്ടോക്ക് ജംഗ്ഷൻ, കെ ടി സി ജംഗ്ഷൻ പോലീസ് സ്റ്റേഷന് മുൻ വശത്ത് കൂടി ടാഗോർ പാർക്ക് , മൈതാനം റോഡിലൂടെ ആശുപത്രി ജംഗ്ഷൻ പാറക്കൽ പൂഴിത്തല റോഡ് വഴി ചൂടിക്കോട്ട, ആശുപത്രിക്ക് മുൻ വശത്ത് കൂടെ സഞ്ചരിച്ച് , ലാഫാർമ്മ റോഡ് വഴി വേണുഗോപാലാലയ ക്ഷേത്രത്തിന് മുൻ വശത്ത് കൂടി ഇന്ത്യൻ ബാങ്ക് റോഡ് വഴി രാത്രി പന്ത്രണ്ട് മണിയോടെ ദേവാലയത്തിന് മുന്നിൽ സമാപിച്ചു

ഉത്സവത്തോടനുബന്ധിച്ച് പുതുച്ചേരി പൊലീസിന്റെ നേതൃത്വത്തിൽ നഗരത്തിൽ കർശനമായ സുരക്ഷാ ക്രമീകരണങ്ങളും ഗതാഗത നിയന്ത്രണങ്ങളും ഏർപ്പെടുത്തിയിരുന്നു. ഒക്ടോബർ 5-ന് കൊടിയേറിയ  ആത്മീയോത്സവം ഒക്ടോബർ 22-ന് നടക്കുന്ന ഔദ്യോഗിക കൊടിയിറക്കത്തോടെ സമാപിക്കും.