*പുതുച്ചേരി ടെക്നോളജിക്കൽ യൂണിവേഴ്സിറ്റിയിൽ പി.ജി. കോഴ്സുകളിലേക്ക് 14-ന് സ്പോട്ട് അഡ്മിഷൻ*

പുതുച്ചേരി: പോണ്ടിച്ചേരി യൂണിവേഴ്സിറ്റി ഓഫ് ടെക്നോളജിയിലെ എം.ടെക്., എം.സി.എ., എം.ബി.എ., എം.എസ്.സി., സയൻസ് ടെക്നോളജി കോഴ്സുകളിലേക്കുള്ള ഫൈനൽ മോപ്പ്-അപ്പ് സ്പോട്ട് അഡ്മിഷൻ വരുന്ന 14-ന് നടക്കും. 

ഒന്നും രണ്ടും റൗണ്ട് കൗൺസിലിംഗുകൾക്ക് ശേഷം ഒഴിവുള്ള സീറ്റുകൾ നികത്തുന്നതിനായാണ് ഈ അവസാന റൗണ്ട് കൗൺസിലിംഗ് നടത്തുന്നത്. പുതുച്ചേരിയിൽ നിന്നുള്ള വിദ്യാർത്ഥികൾക്ക് എല്ലാ കോഴ്സുകളിലും ചേരാവുന്നതാണെങ്കിലും, മറ്റ് സംസ്ഥാനങ്ങളിൽ നിന്നുള്ള വിദ്യാർത്ഥികൾക്ക് എം.ടെക്., എം.എസ്.സി., സയൻസ് ടെക്നോളജി കോഴ്സുകളിൽ മാത്രമേ പ്രവേശനം ലഭിക്കൂ. ഇതുവരെ അപേക്ഷിക്കാത്ത വിദ്യാർത്ഥികൾക്കും ഈ നേരിട്ടുള്ള പ്രവേശന ക്യാമ്പിൽ പങ്കെടുക്കാൻ അവസരമുണ്ട്. 

പങ്കെടുക്കുന്നവർ എല്ലാ ഒറിജിനൽ മാർക്ക് ഷീറ്റുകൾ, സർട്ടിഫിക്കറ്റുകൾ, ടാറ്റസ് സർട്ടിഫിക്കറ്റ്, ജാതി സർട്ടിഫിക്കറ്റ് എന്നിവയും ഇവയുടെ ഓരോ പകർപ്പും സഹിതം ഹാജരാകണം. താൽപ്പര്യമുള്ളവർക്ക് വെബ്സൈറ്റ് വഴി മുൻകൂട്ടി അപേക്ഷിക്കാം. 

കൗൺസിലിംഗിന്റെ സമയം, സ്ഥലം, ഒഴിവുകൾ തുടങ്ങിയ കൂടുതൽ വിവരങ്ങൾക്ക് www.pgacpdy.in എന്ന വെബ്സൈറ്റ് സന്ദർശിക്കണമെന്ന് ബിരുദാനന്തര പ്രവേശന കമ്മിറ്റി ചെയർമാൻ അറിയിച്ചു.