*പുതുച്ചേരിയിൽ ഭിന്നശേഷിക്കാർക്കും പ്രായമായവർക്കും റേഷൻ സാധനങ്ങൾ വാങ്ങുന്നതിന് ബദൽ ക്രമീകരണങ്ങൾ*

പുതുച്ചേരി: നേരിട്ട് വരാൻ കഴിയാത്ത ഭിന്നശേഷിക്കാർക്കും പ്രായമായവർക്കും റേഷൻ സാധനങ്ങൾ വാങ്ങാൻ പുതുച്ചേരി സർക്കാർ പുതിയ ക്രമീകരണങ്ങൾ ഏർപ്പെടുത്തി.

നിലവിൽ പുതുച്ചേരിയിലെ എല്ലാ റേഷൻ കടകളിലും വിരലടയാളം അല്ലെങ്കിൽ ഐറിസ് രജിസ്ട്രേഷൻ വഴി മാത്രമേ അരിയും ഗോതമ്പും കുടുംബ കാർഡ് ഉടമകൾക്ക് നേരിട്ട് നൽകുന്നുള്ളൂ. എന്നാൽ ഇത് പ്രായമായവരെയും വികലാംഗരെയും നേരിട്ട് വന്ന് റേഷൻ സാധനങ്ങൾ വാങ്ങാൻ കഴിയാത്ത മറ്റ് അർഹരെയും ഏറെ ബുദ്ധിമുട്ടിലാക്കിയിരുന്നു.

ഈ സാഹചര്യം പരിഗണിച്ചാണ് പുതിയ തീരുമാനം. ഇത്തരക്കാർക്ക് അവരുടെ പേരിൽ റേഷൻ സാധനങ്ങൾ വാങ്ങാൻ മറ്റൊരാളെ ശുപാർശ ചെയ്യാമെന്ന് പുതുച്ചേരി സിവിൽ സപ്ലൈസ് വകുപ്പ് പ്രഖ്യാപിച്ചു.

ഈ സൗകര്യം ലഭിക്കാൻ സിവിൽ സപ്ലൈസ് വകുപ്പിന് സമർപ്പിക്കേണ്ട രേഖകളും

പകരക്കാരനെ നിയോഗിക്കുന്നതിനായി സമർപ്പിക്കേണ്ട രേഖകകളും താഴെ പറയുന്നവയാണ്.

റേഷൻ കാർഡ് ഉടമ ഒപ്പിട്ട സമ്മതപത്രം.

അംഗീകാര കത്ത്.

പകരക്കാരനായി നിയമിക്കപ്പെടുന്ന വ്യക്തിയുടെ ആധാർ കാർഡിന്റെ പകർപ്പ്.

ആധാർ നമ്പറുമായി ബന്ധിപ്പിച്ചിരിക്കുന്ന മൊബൈൽ നമ്പർ.

പകരക്കാരനും കുടുംബ കാർഡ് ഉടമയുമായുള്ള ബന്ധം വ്യക്തമാക്കുന്ന വിവരങ്ങൾ.

സിവിൽ സപ്ലൈസ് വകുപ്പ് ഈ രേഖകൾ പരിശോധിച്ച് അംഗീകരിച്ച ശേഷം, നിർദ്ദിഷ്ട വ്യക്തിക്ക് റേഷൻ കടകളിൽ നിന്ന് സാധനങ്ങൾ ലഭിക്കുമെന്ന് അധികൃതർ വ്യക്തമാക്കിയിട്ടുണ്ട്.