വരുമോ പുതുച്ചേരിയിൽ ടി വി കെ _ എൻ ആർ സഖ്യം? ബിജെപിയുമായുള്ള തർക്കം മുറുകുന്നു*

പുതുച്ചേരി:   പുതുച്ചേരിയിൽ   ബിജെപിയുമായുള്ള സഖ്യം അവസാനിപ്പിച്ച് ഒരു ബദൽ ക്രമീകരണത്തിന് രംഗസാമി ഒരുങ്ങുന്നതായി സൂചന

പുതുച്ചേരിയിൽ ഭരണകക്ഷിയായ എൻ.ആർ കോൺഗ്രസും ബിജെപിയും തമ്മിലുള്ള ആഭ്യന്തര തർക്കങ്ങൾ രൂക്ഷമാകുന്നതിനിടെ, സംസ്ഥാന രാഷ്ട്രീയത്തിൽ പുതിയ അച്ചുതണ്ടുകൾ രൂപപ്പെടുന്നു. നടൻ വിജയ്‌യുടെ തമിഴക വെട്രി കഴകം (ടി വി കെ) പാർട്ടിയുടെ പിന്തുണയോടെ എൻ.ആർ കോൺഗ്രസ് നേതാവും മുഖ്യമന്ത്രിയുമായ രംഗസാമി പുതിയ സർക്കാർ രൂപീകരണത്തിന് പദ്ധതിയിടുന്നതായാണ് റിപ്പോർട്ടുകൾ.  

2021-ലെ നിയമസഭാ തെരഞ്ഞെടുപ്പിൽ ബിജെപിയും എൻ.ആർ കോൺഗ്രസും സഖ്യമായാണ് മത്സരിച്ചതും രംഗസാമിയുടെ നേതൃത്വത്തിൽ സർക്കാർ രൂപീകരിച്ചതും. എന്നാൽ അഞ്ച് വർഷത്തെ ഭരണകാലയളവിൽ ഉടനീളം ഇരുപാർട്ടികളും തമ്മിൽ ശക്തമായ ഭിന്നത നിലനിന്നിരുന്നു. .

എൻ.ആർ കോൺഗ്രസ് 16 മണ്ഡലങ്ങളിൽ മത്സരിച്ച് 12 സീറ്റുകളിൽ വിജയം നേടി. എന്നാൽ 10 സീറ്റുകളിൽ മത്സരിച്ച ബിജെപിക്ക് 4 സീറ്റുകൾ മാത്രമാണ് നേടാനായത്. .

മന്ത്രിസഭ രൂപീകരിച്ചിട്ടും വകുപ്പുകൾ വിഭജിച്ചില്ല; സ്പീക്കർ പദവിയെച്ചൊല്ലി തർക്കം

തെരഞ്ഞെടുപ്പ് ഫലം പ്രഖ്യാപിച്ച് രണ്ട് മാസം കഴിഞ്ഞിട്ടും സഖ്യകക്ഷികൾ തമ്മിലുള്ള തർക്കം അവസാനിച്ചിട്ടില്ല. സഖ്യ സർക്കാർ രൂപീകരിക്കപ്പെടുകയും മുഖ്യമന്ത്രിയും മന്ത്രിമാരും സത്യപ്രതിജ്ഞ ചെയ്യുകയും ചെയ്തെങ്കിലും മന്ത്രിമാർക്ക് ഇതുവരെ വകുപ്പുകൾ അനുവദിച്ചിട്ടില്ല. നിലവിൽ മുഖ്യമന്ത്രി രംഗസാമി തന്നെയാണ് എല്ലാ വകുപ്പുകളും കൈകാര്യം ചെയ്യുന്നത്.

സ്പീക്കർ സ്ഥാനം ലഭിക്കുന്നതിനായി ബിജെപി രംഗസാമിക്ക് മേൽ കടുത്ത സമ്മർദ്ദം ചെലുത്തുന്നുണ്ട്. ബിജെപിക്ക്  ഡെപ്യൂട്ടി സ്പീക്കർ സ്ഥാനം നൽകിയാൽ മതിയെന്നാണ് രംഗസാമിക്ക് ലഭിച്ച ഉപദേശം. ബിജെപി ഇത് അംഗീകരിക്കാൻ വിസമ്മതിച്ചതോടെ സ്പീക്കർ, ഡെപ്യൂട്ടി സ്പീക്കർ സ്ഥാനങ്ങളിലേക്കുള്ള തെരഞ്ഞെടുപ്പ് ഇതുവരെ നടത്താൻ സാധിച്ചിട്ടില്ല.

രണ്ട് മണ്ഡലങ്ങളിൽ മത്സരിച്ച് വിജയിച്ച മുഖ്യമന്ത്രി രംഗസാമി ഒരു സീറ്റ് രാജി വെച്ചതോടെ നിലവിൽ നിയമസഭയിലെ ആകെ എംഎൽഎമാരുടെ എണ്ണം 29 ആയി കുറഞ്ഞിട്ടുണ്ട്. സർക്കാരിന് ഭൂരിപക്ഷത്തിന് 15 എംഎൽഎമാരുടെ പിന്തുണയാണ് വേണ്ടത്.

തമിഴ്നാട്ടിൽ വിജയ് രൂപീകരിച്ച ടി വി കെ പാർട്ടി ഇത്തവണ പുതുച്ചേരിയിലും മത്സരിച്ചിരുന്നു. തെരഞ്ഞെടുപ്പിൽ ടി വി കെ 3 എംഎൽഎമാരെ നേടി കരുത്ത് തെളിയിച്ചു. ബിജെപിയുടെ പിന്തുണയില്ലാതെ തന്നെ സർക്കാർ രൂപീകരിക്കാൻ ടി വി കെയുടെ ഈ 3 സീറ്റുകൾ രംഗസാമിയെ സഹായിക്കും. എൻ.ആർ കോൺഗ്രസിന്റെ 17 (മറ്റു ഘടകകക്ഷികൾ ഉൾപ്പെടെയുള്ള പിന്തുണയോടെ) എംഎൽഎമാരുടെയും, ടിഡിപിയുടെ 1 പേരുടെയും, സ്വതന്ത്രരുടെ 2 പേരുടെയും പിന്തുണയ്ക്കൊപ്പം ടി വി കെയുടെ 3 സീറ്റുകൾ കൂടി ചേരുന്നതോടെ രംഗസാമിക്ക് സുരക്ഷിതമായി ഭൂരിപക്ഷം തെളിയിക്കാനാകും.

ബിജെപിയുമായുള്ള രാഷ്ട്രീയ പിടിവാശി തുടരുകയാണെങ്കിൽ, ടി വി കെയുമായി ചേർന്ന് രംഗസാമി പുതിയൊരു സർക്കാർ രൂപീകരിക്കാനുള്ള നീക്കങ്ങളുമായി മുന്നോട്ട് പോകുമെന്നാണ് പുറത്തുവരുന്ന റിപ്പോർട്ടുകൾ. ഇത് പുതുച്ചേരി രാഷ്ട്രീയത്തെ വലിയൊരു കോളിളക്കത്തിലേക്കാണ് നയിക്കുന്നത്.

എന്നാൽ കേന്ദ്ര ഭരണം കൈയ്യാളുന്ന ബിജെപിയെ പിണക്കിയാൽ മുന്നോട്ടുള സംസ്ഥാന ഭരണം സുഗമമാകില്ല എന്ന ബോധ്യവും രംഗ സാമിക്കുണ്ട്