*പുതുച്ചേരി തിരഞ്ഞെടുപ്പ്: ഏപ്രിൽ 9-ന് പൊതുഅവധി*

പുതുച്ചേരി നിയമസഭാ തിരഞ്ഞെടുപ്പിനോടനുബന്ധിച്ച് വോട്ടർമാർക്ക് വോട്ട് രേഖപ്പെടുത്തുന്നതിനായി 2026 ഏപ്രിൽ 9 (വ്യാഴാഴ്ച) സർക്കാർ പൊതു അവധി പ്രഖ്യാപിച്ചു.

സർക്കാർ ഓഫീസുകൾ, വിദ്യാഭ്യാസ സ്ഥാപനങ്ങൾ, വാണിജ്യ-വ്യവസായ സ്ഥാപനങ്ങൾ എന്നിവയ്ക്ക് അവധി ബാധകമാണ്.

സ്വകാര്യ സ്ഥാപനങ്ങളിലെ ജീവനക്കാർക്കും ദിവസവേതനക്കാർക്കും ശമ്പളത്തോടു കൂടിയ അവധിയായിരിക്കും.

 വോട്ടർമാർക്ക് തടസ്സമില്ലാതെ സമ്മതിദാന അവകാശം വിനിയോഗിക്കാൻ സൗകര്യമൊരുക്കുക എന്നതാണ് ഈ ഉത്തരവിലൂടെ ലക്ഷ്യമാക്കുന്നത്.

പുതുച്ചേരി സർക്കാരിന്റെ ആഭ്യന്തര വകുപ്പാണ് ഇത് സംബന്ധിച്ച ഔദ്യോഗിക ഉത്തരവ് പുറപ്പെടുവിച്ചത്.