ലൈംഗികാതിക്രമം   അധ്യാപകനെതിരെ  ചോമ്പാല പൊലീസ് കേസെടുത്തു. 

ലൈംഗികാതിക്രമപരാതിയിൽ കോളേജ് അധ്യാപകനെതിരെ  ചോമ്പാല പൊലീസ് കേസെടുത്തു. നിലവിൽ എറണാകുളം മഹാരാജാസ് കോളേജ് ചരിത്ര വിഭാഗം അസോ.പ്രൊഫസറായ ജിനീഷ് പിഎസിനെതിരെയൊണ് കേസ്. വടകര മടപ്പള്ളി കോളേജിൽ അധ്യാപകനായിരിക്കുമ്പോഴാണ് കേസിന് ആസ്പദമായ സംഭവമുണ്ടായത്.

മടപ്പള്ളി കോളേജിൽ വിദ്യാർത്ഥിനിയായിരിക്കേ അധ്യാപകനിൽ നിന്നും നേരിട്ട ദുരനുഭവങ്ങളെക്കുറിച്ച് സമൂഹമാധ്യമങ്ങളിലൂടെ ഈയിടെ തുറന്നു പറച്ചിൽ നടത്തിയ യുവതി തുടർന്ന് പൊലീസിനെ സമീപിക്കുകയായിരുന്നു. എകെജിസിടിയുടെ കോഴിക്കോട് ജില്ലാ പ്രസിഡൻ്റ് കൂടിയായിരുന്ന ജീനീഷ് പിഎസിന് അടുത്തകാലത്താണ് മഹാരാജാസിലേക്ക് സ്ഥലം മാറ്റം ലഭിച്ചത്. പൊലീസ് കസ്റ്റഡിയിലെടുത്തിട്ടില്ല.