സർവ്വീസ് റോഡിലെ കുഴികൾ അടക്കണം: കെ കെ രമ എം എൽ എ

 അഴിയൂർ:.ദേശീയ പാതയിൽ സർവീസിലെ കുഴിയിൽ   വീണ് ശനിയഴ്ച ഓട്ടോ റിക്ഷ   ഡ്രൈവർ മരിച്ച കുഞ്ഞിപ്പള്ളി ടൗൺ ഭാഗത്ത്  കെ കെ രമ എം എൽ എ . സന്ദർശിച്ചു. ദേശീയ പാതയിൽ സർവ്വീസ് റോഡിലെ മുഴുവൻ കുഴികൾ അടക്കാനും , റോഡ്. അറ്റകുറ്റപണി നടത്താനും  അധികൃതർ തയ്യാറാകണമെന്ന് കെ കെ രമ ആവശ്യപ്പെട്ടു. അശാസ്ത്രീയ റോഡ് നിർമാണത്തിന്റെ ഇരയാണ് കുഴിയിൽ  വീണ് മരിച്ച സി കെ റഫീക്ക് . നിയോജക മണ്ഡലത്തിലെ തകർന്ന റോഡുകൾ വാഹന യാത്ര  ദു:സഹമാക്കിയതായി അവർ തുടർന്നു.   സാമൂഹിക രാഷ്ട്രീയ കക്ഷി നേതാക്കളായ കോട്ടയിൽ രാധാകൃഷ്ണൻ, പി ബാബുരാജ്  , യു എ റഹീം, പ്രദീപ് ചോമ്പാല,വി പി പ്രകാശൻ ടി സി രാമചന്ദ്രൻ , മോനാച്ചി ഭാസ്ക്കരൻ,  പി കെ കോയ , അഹമ്മദ് കൽപ്പകഎന്നിവർ ഒപ്പമുണ്ടായിരുന്നു .