*വടകര ദേശീയ പാതയിൽ കാറും വാനും കൂട്ടിയിടിച്ച് നാലുപേർക്ക് ദാരുണാന്ത്യം*

*വടകര ദേശീയ പാതയിൽ കാറും വാനും കൂട്ടിയിടിച്ച് നാലുപേർക്ക് ദാരുണാന്ത്യം*

വടകര ദേശീയപാതയിൽ മൂരാട് പാലത്തിന് സമീപം കാറും ട്രാവലർ വാനും കൂട്ടിയിടിച്ച് നാലുപേർക്ക് ദാരുണാന്ത്യം. കാർ യാത്രക്കാരായ മൂന്ന് സ്ത്രീകളും ഒരു പുരുഷനുമാണ് മരിച്ചത്.

  

പെരുമുണ്ടേരി കണ്ണാട്ടിൽ മീത്തൽ റോജ (55). ഭർത്താവ്: ന്യൂമാഹി മുൻ പഞ്ചായത്ത് അംഗം  പരേതനായ കെ എം പ്രഭാകരൻ. മക്കൾ: പ്രണവ്, പ്രത്യഷ്.

ചൊക്ലി ഒളവിലത്തെ കോടിയേരി സ്മാരക ഗവ.കോളേജിനടുത്ത പറമ്പത്ത് നളിനി (62). ഭർത്താവ്: പരേതനായ ബാലൻ. മക്കൾ: ലിഖേഷ് (ഓട്ടോ ഡ്രൈവർ, ചൊക്ലി) ലേഖ (മഹിമ ഫാൻസി ചൊക്ലി). മരുമക്കൾ: ജിഷ (പന്തക്കൽ), വിനോദൻ (നിടുമ്പ്രം). സഹോദരങ്ങൾ: രമേശൻ (കോയമ്പത്തൂർ അഗ്രി.ഓഫീസ്), മഹേഷ് (കെഎസ്ആർടിസി. തലശേരി ഡിപ്പോ ഡ്രൈവർ), ജയന്തി (കൊച്ചിയങ്ങാടി). 

അഴിയൂർ സ്വദേശി പാറേമ്മൽ പി  രജനി (50) ഭർത്താവ്: രാജീവൻ. മക്കൾ: ഷാരോൺ, അലൈന. ജോലി: ഓഫീസ് അസിസ്റ്റന്റ് (മാഹി കോ-ഓപ്പറേറ്റീവ് കോളേജ് ഓഫ് ടീച്ചർ എജുക്കേഷൻ)

മാഹി റെയിൽവേ സ്റ്റേഷനു സമീപം കോട്ടാമല ഷിഗിൻ ലാൽ (40). അച്ഛൻ: കുന്നുമ്മൽ കരുണൻ. അമ്മ: വിജയി. സഹോദരങ്ങൾ: ഷിബുലാൽ, ഷിജിന. ഭാര്യ: അഷിത. മക്കൾ: ഇഷാൻ, ദയാൻ.

ജോലി: ഡ്രൈവർ.

. ഇന്ന് വൈകിട്ട് മൂന്നരയോടെയാണ് സംഭവം. കാർ കോഴിക്കോട് ഭാഗത്തേക്ക് പോകവെയാണ് ട്രാവലറുമായി കൂട്ടിയിടിച്ചത്. മൃതദേഹങ്ങൾ വടകര സഹകരണ ആശുപത്രിയിൽ സൂക്ഷിച്ചിരിക്കുകയാണ്.

കർണാടക സ്വദേശികൾ സഞ്ചരിച്ച ട്രാവലറിലെ എട്ടു പേർക്കും കാറിലുണ്ടായിരുന്ന രണ്ടാൾക്കും പരിക്കുണ്ട്. ഇവരെ വടകര ആശുപത്രിയിൽ പ്രവേശിപ്പിച്ചു.