തലശ്ശേരി ധർമ്മടത്ത് വീട്ടിൽ നിന്ന് 36 കുപ്പി മാഹി മദ്യം പിടികൂടി : യുവതി അറസ്റ്റിൽ
തലശ്ശേരി ധർമ്മടത്ത് വീട്ടിൽ നിന്ന് 36 കുപ്പി മാഹി മദ്യം പിടികൂടി. വിൽപ്പനക്കായി എത്തിച്ച മദ്യവുമായാണ് യുവതിയെ എക്സൈസ് സംഘം പിടികൂടിയത്. ധർമ്മടം അട്ടാര കുന്നിലെ എ. സ്വീറ്റിയാണ് എക്സൈസിന്റെ പിടിയിലായത്.
തലശ്ശേരി റേഞ്ച് അസിസ്റ്റന്റ് എക്സൈസ് ഇൻസ്പെക്ടർ ദീപക്ക് കെ.എംഉം സംഘവും രഹസ്യ വിവരത്തിൻ്റെ അടിസ്ഥാനത്തിൽ തലശ്ശേരി ധർമ്മടം ഭാഗത്ത് നടത്തിയ പരിശോധയിൽ ആണ് മദ്യം പിടികൂടിയത്.
പുതുച്ചേരി സംസ്ഥാനത്ത് മാത്രം വില്പനാവകാശമുള്ള ഇന്ത്യൻ നിർമ്മിത വിദേശമദ്യം വീട്ടിൽ സൂക്ഷിച്ച കുറ്റത്തിന് ആണ്
അറസ്റ്റ്. മദ്യവിൽപ്പന നടത്തുന്നുണ്ടെന്ന
രഹസ്യവിവരത്തിന്റെ അടിസ്ഥാനത്തിൽ
എക്സൈസിൻ്റെ നിരീക്ഷണത്തിലായിരുന്നു
സ്വീറ്റി. പ്രതിയെ കോടതിയിൽ ഹാജരാക്കും.
എക്സൈസ് സംഘത്തിൽ വനിതാ സിവിൽ എക്സൈസ് ഓഫീസർമാരായ ഐശ്വര്യ പി.പി,ദീപ എം, പ്രസന്ന എം കെ, പ്രിവന്റീവ് ഓഫീസർ എന്നിവർ ഉണ്ടായിരുന്നു.
Post a Comment