മാഹി റെയിൽവേ സ്‌റ്റേഷനിലും വൈകാതെ വാടകയ്ക്ക് ഇ-സ്‌കൂട്ടര്‍ ലഭിക്കും; വേണ്ടത് ആധാറും ലൈസൻസും.
മാഹി:തീവണ്ടിയിലെത്തി ഇ-സ്കൂട്ടർ വാടകയ്ക്കെടുത്ത് കറങ്ങാൻ റെയില്‍വേ സ്റ്റേഷനുകളില്‍ സൗകര്യമൊരുങ്ങുന്നു. കാസർകോട് മുതല്‍ പൊള്ളാച്ചി വരെ 15 സ്റ്റേഷനുകളില്‍ റെയില്‍വേ ഇലക്‌ട്രിക് ഇരുചക്രവാഹനം വാടകയ്ക്ക് നല്‍കും.
ഇതിനായി മംഗളൂരുവില്‍ കരാർ നല്‍കി.
കോഴിക്കോട് ഉള്‍പ്പെടെ വലിയ സ്റ്റേഷനുകള്‍ക്കുപുറമെ ഫറൂഖ്, പരപ്പനങ്ങാടി പോലെ ചെറിയ സ്റ്റേഷനുകളിലും ഇലക്‌ട്രിക് ഇരുചക്രവാഹനമെത്തും. മണിക്കൂർ-ദിവസ വാടകയ്ക്കാണ് വാഹനം നല്‍കുക. അവ സൂക്ഷിക്കാനുള്ള സ്ഥലം റെയില്‍വേ നല്‍കും.
വാടക തുക എത്രയാണെന്ന് പുറത്ത് വിട്ടിട്ടില്ല
കരാറുകാരാണ് സംരംഭം ഒരുേക്കണ്ടത്. വാഹനം എടുക്കാനെത്തുന്നവരുടെ ആധാർകാർഡ്, ലൈസൻസുള്‍പ്പെടെയുള്ള രേഖകളുടെ പരിശോധനയുണ്ടാകും. തിരുവനന്തപുരം ഡിവിഷനില്‍ എറണാകുളം, തിരുവനന്തപുരം ഉള്‍പ്പെടെ വലിയ സ്റ്റേഷനുകളില്‍ ബൈക്ക് വാടകയ്ക്ക് നല്‍കുന്നുണ്ട് (റെന്റ് എ ബൈക്ക്).
ഇ-സ്കൂട്ടറുകള്‍ വരുന്ന സ്റ്റേഷനുകള്‍:
പൊള്ളാച്ചി, ഒറ്റപ്പാലം, നിലമ്ബൂർ, കോഴിക്കോട്, തിരൂർ, ഫറൂഖ്, പരപ്പനങ്ങാടി, വടകര, മാഹി, തലശ്ശേരി, കണ്ണൂർ, പയ്യന്നൂർ, കാഞ്ഞങ്ങാട്, കാസർകോട്, മംഗളൂരു ജങ്ഷൻ.
Post a Comment