പുന്നോൽ പെട്ടിപ്പാലം കോളനി ഷാഫി പറമ്പിൽ എംഎൽഎ പി സന്ദർശിച്ചു.
തലശ്ശേരി : പുന്നോൽ പെട്ടിപ്പാലം കോളനി ഷാഫി പറമ്പിൽ എം പി സന്ദർശിച്ചു. കോളനി നിവാസികൾ അനുഭവിച്ചുവരുന്ന പ്രയാസങ്ങൾ നേരിൽ കണ്ടറിഞ്ഞു. കോളനി നിവാസികൾക്ക് സ്ഥലം ഒഴിഞ്ഞു പോകാൻ സർക്കാർ അനുവദിച്ച 10 ലക്ഷം രൂപ വളരെ അപര്യാപ്തമാണെന്നും നിലവിൽ ആ തുകയ്ക്ക് വീടും സ്ഥലവും ലഭിക്കാത്തതുകാരണം അത് 15 ലക്ഷമാക്കണമെന്നും എം. പി പറഞ്ഞു. കോളനി നിവാസികളുടെ വിവിധ പ്രശ്നങ്ങളിൽ എം. പി ഇടപെട്ടു. കോളനിയിലെ വീടുകൾതോറും എം പി കയറിയിറങ്ങി നിവാസികളുടെ പ്രശ്നങ്ങൾ കേട്ടു. കോളനിയിലെ വിദ്യാർത്ഥികൾക്കുണ്ടാകുന്ന വിവിധ പ്രശ്നങ്ങൾ എം. പിയുടെ ശ്രദ്ധയിൽ പെടുത്തി. അഡ്വ. കെ ഷുഹൈബ്,
എം. പി അരവിന്ദാക്ഷൻ, പി. സി റിസാൽ , റഷീദ് തലായി, എം നസീർ, അർബാസ് ഒളവിലം, തഷ്റീഫ് ഉസ്സൻ മൊട്ട , ഷാഹിദ് എം എന്നിവരും എം പി ക്കൊപ്പമുണ്ടായിരുന്നു.
Post a Comment