*പുതുച്ചേരിയിലെ ബൊട്ടാണിക്കൽ ഗാർഡന് പുതുജീവൻ* 
 *ജനുവരി പകുതിയോടെ സന്ദർശകർക്കായി തുറക്കും* 

പുതുച്ചേരിയിലെ ബൊട്ടാണിക്കൽ ഗാർഡന് പുതുജീവൻ ലഭിക്കുന്നു.

 ജനുവരി പകുതിയോടെ പൊതുജനങ്ങൾക്കായി തുറന്നുകൊടുക്കുമെന്ന് അധികൃതർ അറിയിച്ചു

നവീകരണ പ്രവർത്തനങ്ങൾ അവസാനഘട്ടത്തിലാണ്

  പൂന്തോട്ടം ഒരു ആംഫി തിയേറ്റർ, ജോഗിംഗ് ട്രാക്ക്,  ബാറ്ററിയിൽ പ്രവർത്തിക്കുന്ന ജോയ് ട്രെയിൻ എന്നിവ ഗാർഡനിൽ പുതുതായുണ്ട്.

 ബൊട്ടാണിക്കൽ ഗാർഡൻ്റെ നവീകരണം 2024 ഫെബ്രുവരിയിലാണ് ആരംഭിച്ചത്.

 നവീകരണ പ്രവർത്തനങ്ങൾ സ്മാർട്ട് സിറ്റി മിഷൻ്റെ കീഴിൽ ഏറ്റെടുക്കുകയും അതിനായി 9.11 കോടി രൂപ അനുവദിക്കുകയും ചെയ്തു.  

2002-ൽ  പൂന്തോട്ടത്തെ ഒരു പ്രധാന വിനോദസഞ്ചാര കേന്ദ്രമാക്കി മാറ്റുക,  കാലത്തിനനുസരിച്ച് രൂപമാറ്റം വരുത്തുക,  എന്നിവ ലക്ഷ്യമിട്ടാണ് പൂന്തോട്ടം പുനർരൂപകൽപ്പന ചെയ്യാൻ തീരുമാനിച്ചത്

2015ൽ 4.81 കോടി രൂപ ചെലവിൽ ലാൻഡ്‌സ്‌കേപ്പിംഗ് പ്രവൃത്തികളുടെ ആദ്യഘട്ടം ആരംഭിച്ചു. പ്രകൃതി കേന്ദ്രം, ആഷ്‌ലാർ പാലത്തോടുകൂടിയ ലില്ലി കുളം, ജോഗിംഗ് ട്രാക്ക്, കുറ്റിച്ചെടികൾ, കിഡ്‌സ് പ്ലേ ഏരിയ, കുട്ടികൾക്കായി നവീകരിച്ച ജോയ് ട്രെയിൻ, സൈനേജുകൾ എന്നിവ ഉൾപ്പെടുത്തിയിട്ടുണ്ട്

സ്മാർട്ട് സിറ്റി മിഷൻ്റെ രണ്ടാം ഘട്ടത്തിൽ പ്രവേശന കമാനം നവീകരിക്കൽ, ടിക്കറ്റ് കൗണ്ടറുകളും ടോയ്‌ലറ്റുകളും പൊളിച്ചുമാറ്റി പുനർനിർമിക്കൽ, ഔട്ടർ ജോഗിംഗ് ട്രാക്ക്, ഗ്ലാസ് ഹൗസ് നവീകരണം, മേസ് ഗാർഡൻ, ആംഫി തിയറ്റർ നവീകരണം, സെൽഫി പോയിൻ്റ്, ഭൂപടമുള്ള സൈനേജ് ബോർഡുകൾ എന്നിവയുണ്ട്

ടിക്കറ്റ് കൗണ്ടറിൻ്റെയും സെൽഫി പോയിൻ്റിൻ്റെയും നിർമാണം പൂർത്തിയായി. കുട്ടികൾക്കായി ബാറ്ററിയിൽ പ്രവർത്തിക്കുന്ന പുതിയ ജോയ് ട്രെയിനിന് ഓർഡർ നൽകിയിട്ടുണ്ട്. ട്രെയിനിൻ്റെ നാല് ബോഗികൾ ഇതിനകം എത്തിക്കഴിഞ്ഞു. പ്രവൃത്തികൾ അവസാന ഘട്ടങ്ങളിലാണ്. ഗാർഡൻ പുഷ്പമേളയുടെ വേദിയാവും ,, ജനുവരി രണ്ടാം വാരത്തോടെ ജോലി പൂർത്തിയാവും

പുതുച്ചേരിയിലെ പ്രശസ്തമായ വിനോദസഞ്ചാര കേന്ദ്രമായ ബൊട്ടാണിക്കൽ ഗാർഡൻ (ലെ ജാർഡിൻ ബൊട്ടാനിക്) 1826-ൽ ഫ്രഞ്ച് സസ്യശാസ്ത്രജ്ഞനായ ജോർജ്ജ് സാമുവൽ പെറോട്ടെറ്റ് ഈ പ്രദേശത്തെ തനതായ സസ്യജാലങ്ങൾ സംരക്ഷിക്കുന്നതിനായി പരീക്ഷണാടിസ്ഥാനത്തിൽ സ്ഥാപിച്ചതാണ്

198 വർഷത്തെ ചരിത്രമുള്ള 22 ഏക്കർ ബൊട്ടാണിക്കൽ ഗാർഡൻ കോറോമാണ്ടൽ തീരത്തെ ഏറ്റവും പഴക്കമുള്ളതാണ്. ശേഖരത്തിൽ 2,400 മരങ്ങളും 213 ജനുസ് തരങ്ങളും 293 ഇനങ്ങളും ഉൾപ്പെടുന്നു. കുറ്റിച്ചെടികൾ, ഔഷധ സസ്യങ്ങൾ, ഈന്തപ്പന ശേഖരണം, ഫോസിലുകൾ, ഇലകൾ, അലങ്കാര സസ്യങ്ങൾ, സൈക്കാഡുകൾ, ഫലവൃക്ഷങ്ങൾ എന്നിവയുണ്ട്. 175 വർഷം പഴക്കമുള്ളതാണ് ബോംബാക്‌സ്, ഖയ എന്നീ ജനുസ്സിലെ ഏറ്റവും പഴക്കം ചെന്ന മരങ്ങൾ