*മാഹി മെയിൻ റോഡിൽ ലോറികൾ തമ്മിൽ കൂട്ടിയിടിച്ച് ഡ്രൈവർ മരണപ്പെട്ടു*

മാഹി: ഇന്നലെ രാത്രി 10.50 ഓടെ പൂഴിത്തല ഫിഷറീസ് ഓഫീസിന് മുൻ ഭാഗത്ത് പെട്രോൾ പമ്പിന് സമീപത്ത് വെച്ചാണ് അപകടം നടന്നത്

മാൽപ്പയിൽ നിന്നും ചോമ്പാല ഹാർബറിലേക്ക് വരുകയായിരുന്ന മീൻ കയറ്റുന്ന ലോറിയും , വടകര ഭാഗത്ത്  നിന്നും തലശ്ശേരി ഭാഗത്തേക്ക് പോവുന്ന ലോറിയും തമ്മിലാണ് കൂട്ടിയിടിച്ചത്

മീൻ ലോറി ഓടിച്ചിരുന്ന വടകര പുതുപ്പണം കിഴക്കേമാങ്കുഴി സ്വദേശി അശ്വന്ത് (26)ആണ് മരണപ്പെട്ടത്.

ഇടിയുടെ ആഘാതത്തിൽ മിനിലോറിയുടെ ക്യാബിനുള്ളിൽ കുടുങ്ങിയ ഡ്രൈവറെ ഫയർഫോയ്സും ,പോലീസും, നാട്ടുകാരും ചേർന്ന് ഒരു മണിക്കൂറോളം നീണ്ട രക്ഷാപ്രവർത്തനത്തിലൂടെയാണ് പുറത്തെടുത്തത്

കനത്ത മഴയിൽ രക്ഷാപ്രവർത്തനം ഏറെ ദുഷ്ക്കരമായിരുന്നു

വാഹനം വെട്ടിപ്പൊളിച്ചാണ് ഡ്രൈവറെ പുറത്തെടുത്തത്

അപകടത്തെത്തുടർന്ന് ഏറെ നേരം റോഡിൽ ഗതാഗതക്കുരുക്കുണ്ടായി

ഗുരുതര പരിക്കേറ്റ ഡ്രൈവറെ വടകര സ്വകാര്യ ആശുപത്രിയിലെത്തിച്ചുവെങ്കിലും വഴി മദ്ധ്യേ മരണപ്പെട്ടിരുന്നു

കാലുകൾ അറ്റ് ചോര വാർന്നതാണ് മരണ കാരണം

മൃതദേഹം വടകര ഗവ. ആശുപത്രിയിൽ നിന്നുപോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നല്കി