മയ്യഴിപ്പുഴയുടെ തീരങ്ങളിൽ അമ്പതാം വാർഷികാഘോഷം 9ന്
മയ്യഴി : എം. മുകുന്ദൻ്റെ മയ്യഴിപ്പുഴയുടെ തീരങ്ങളിൽ - നോവലിൻ്റെ അമ്പതാം വാർഷികം കേരള സാഹിത്യ അക്കാദമി നവംബർ 9 ന് മാഹിയിൽ ആഘോഷിക്കും. കേരള മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
പുരോഗമന കലാ സാഹിത്യ സംഘത്തിൻ്റെയും മാഹി സ്പോർട്സ് ക്ലബ്ബ് ആൻ്റ് കലാസമിതിയുടെയും സഹകരണത്തോടെയാണ് പരിപാടി സംഘടിപ്പിക്കുന്നത്.
ചിത്രകാര സംഗമം, സെമിനാർ, വാർഷിക സമ്മേളനം എന്നി പരിപാടികൾ വിജയിപ്പിക്കുന്നതിന് സംഘടകസമിതി രൂപവത്കരിച്ചു. മാഹി സ്പോർട്സ് ക്ലബ്ബ് ഹാളിൽ കേരള സാഹിത്യ അക്കാദമി സെക്രട്ടറി സി.പി. അബൂബക്കർ ഉദ്ഘാടനം ചെയ്തു. കെ.സി നിഖിലേഷ് അധ്യക്ഷത വഹിച്ചു. അക്കാദമി പ്രോഗ്രാം കോർഡിനേറ്റർ കെ.എസ് സുനിൽകുമാർ പരിപാടികൾ വിശദീകരിച്ചു. എം.കെ. മനോഹരൻ, ഡോ.എ. വൽസലൻ, പൊന്ന്യം ചന്ദ്രൻ, ടി.എം. ദിനേശൻ എന്നിവർ സംസാരിച്ചു.
ഭാരവാഹികൾ: കേരള നിയമസഭ സ്പീക്കർ അഡ്വ. എ.എൻ. ഷംസീർ, രമേശ് പറമ്പത്ത് എം.എൽ.എ, ഡോ. വി. രാമചന്ദ്രൻ (രക്ഷ),
ഡോ: എ. വൽസലൻ (ചെയർമാൻ),
അസീസ് മാഹി, വി. ജനാർദ്ദനൻ, കെ.പി. നൗഷാദ്, കെ.പി. സുനിൽകുമാർ, സി.എച്ച്. പ്രഭാകരൻ, പൊന്ന്യം ചന്ദ്രൻ, ഉത്തമരാജ് മാഹി, എ.കെ. പ്രേമകുമാരി (വൈ. ചെയ),
എ. ജയരാജൻ (ജന. കൺ),
കെ.സി. നിഖിലേഷ്,
പി.സി.എച്ച്. ശശിധരൻ, ശ്രീകുമാർ ഭാനു , ടി.എം. ദിനേശൻ, ടി.ടി.കെ. ശശി, ഇ.ഡി. ബീന (കൺ).
Post a Comment