ജിജേഷ് കൊലക്കേസ് പ്രതിയെ മറ്റൊരു കേസിൽ ജയിലിൽ ചോദ്യം ചെയ്തു
തലശ്ശേരി : സി.പി.എം. പ്രവർത്തകൻ നാറാത്ത്പീടികയിലെ കെ.പി. ജിജേഷിനെ കൊലപ്പെടുത്തിയ കേസിൽ പ്രതിയായ ആർ.എസ് എസ് . പ്രവർത്തകൻ മാഹി ചെമ്പ്രയിലെ പ്രഭീഷ് കുമാറിനെ ( 37 ) മറ്റൊരു കൊലക്കേസിൽ തലശ്ശേരി സബ് ജയിലിൽ ചോദ്യം ചെയ്തു . കണ്ണൂർ ക്രൈംബ്രാഞ്ച് ഡിവൈ.എസ്.പി. പി.വിക്രമൻ്റെ നേതൃത്വത്തിലാണ് ബുധനാഴ്ച ചോദ്യംചെയ്തത് . കണ്ണവം തൊടീക്കളത്തെ സി.പി.എം. പ്രവർത്തകൻ ഗണപതിയാടൻ പവിത്രനെ ( 50 ) കൊല പ്പെടുത്തിയ കേസിലാണ് അന്വേഷണസംഘം ചോദ്യംചെയ്തത് . തലശ്ശേരി സബ്ജയിലിൽ റിമാൻഡിൽ കഴിയുന്ന പ്രതിയെ ചോദ്യംചെയ്യാൻ തലശ്ശേരി അഡീഷണൽ ജില്ലാ സെഷൻസ് കോടതി ( മൂന്ന് ) തിങ്കളാഴ്ചയാണ് അനുമതി നൽകിയത് . ജിജേഷ് വധക്കേസിൽ പിടിയിലായി ജാമ്യത്തിലിറങ്ങി ഗൾഫിൽ പോയി ഒളിവിൽ കഴിയുകയായിരുന്ന പ്രഭീഷിനെ ഇൻറർപോളിന്റെ സഹായത്തോടെയാണ് പിടികൂടിയത് . ഡൽഹിയിൽവെച്ച് എപ്രിൽ 15 - നാണ് അന്വേഷണസം ഘം പ്രതിയെ കസ്റ്റഡിയിലെടുത്തത്.
2009 മാർച്ച് 27 - ന് പുലർച്ചെയാണ് പവിത്രൻ കൊല്ലപ്പെട്ടത് .
Post a Comment