മാർച്ച് 17 മുതൽ രാവിലെ പ്ലസ് ടു പരീക്ഷയും ഉച്ചയ്ക്കുശേഷം എസ്എസ്എൽസി പരീക്ഷയും
മാർച്ച് 17 മുതൽ രാവിലെ പ്ലസ് ടു പരീക്ഷയും ഉച്ചയ്ക്ക് എസ്എസ്എൽസി പരീക്ഷയും നടത്തും. കൂടുതൽ ചോദ്യങ്ങൾ നൽകി അവയിൽനിന്ന് തിരഞ്ഞെടുത്ത എഴുതാനുള്ള അവസരം നൽകുന്നത് പരിഗണിക്കും. പരീക്ഷ വിദ്യാർത്ഥി സൗഹൃദം ആയിരിക്കണമെന്നും കുട്ടികൾ പരീക്ഷയെ ഭയക്കാൻ ഇടവരുത്തരുതെന്നും വെള്ളിയാഴ്ച ചേർന്ന വിദ്യാഭ്യാസ ഗുണമേന്മാ സമിതി യോഗം നിർദ്ദേശിച്ചു. ക്ലാസ് പരീക്ഷകൾക്കും പ്രാധാന്യം നൽകും. സാധ്യമെങ്കിൽ മാതൃക പരീക്ഷ നടത്തിയ ശേഷമാണു വാർഷിക പരീക്ഷ. കുട്ടികൾ സ്കൂളിൽ എത്തുന്നതിനുമുൻപ് ഓൺലൈനായി രക്ഷിതാക്കളുടെ അഭിപ്രായം തേടും. രക്ഷിതാക്കളുടെ അനുമതിയോടെയും അവരുടെ ആശങ്കകൾ പരിഹരിച്ചു മാത്രമേ കുട്ടികളെ സ്കൂളിൽ എത്താൻ അനുവദിക്കൂ. ഫസ്റ്റ് ലൈൻ ട്രീറ്റ്മെന്റ് സെന്ററായി പ്രവർത്തിച്ചിരുന്ന സ്കൂളുകൾ ഈ മാസം അവസാനത്തോടെ ശുചീകരിച്ച് സജ്ജമാക്കും 10, 12 ക്ലാസുകളിലെ അധ്യാപകർ എത്രപേർ ഓരോ ദിവസവും എത്തണമെന്ന കാര്യം സ്കൂളുകൾക്ക് ക്രമീകരിക്കാം.
Post a Comment