ജനന, മരണ സർട്ടിഫിക്കറ്റുകൾ എളുപ്പത്തിൽ ലഭിക്കുന്നതിനുള്ള ശ്രമങ്ങൾ ഊർജിതമാക്കി പുതുച്ചേരി സർക്കാർ.

പൊതുജനങ്ങൾക്ക് ജനന-മരണ സർട്ടിഫിക്കറ്റുകൾ എളുപ്പത്തിൽ ലഭിക്കുന്നതിനുള്ള നടപടികൾ പുതുച്ചേരി സർക്കാർ സ്വീകരിക്കുന്നതായ പുതുച്ചേരി തദ്ദേശ സ്വയംഭരണ വകുപ്പ് ഡയറക്ടർ ശക്തിവേൽ  പറഞ്ഞു: കേന്ദ്രഭരണ പ്രദേശമായ പുതുച്ചേരിയിൽ ജനന മരണ സർട്ടിഫിക്കറ്റുകൾ രജിസ്റ്റർ ചെയ്യുന്നതിനായി ഇന്ത്യാ ഗവൺമെന്റിന്റെ സിവിൽ രജിസ്ട്രേഷൻ സിസ്റ്റം (CRS) പോർട്ടൽ  നടപ്പിലാക്കി.

പൊതുജനങ്ങളുടെ താൽപ്പര്യാർത്ഥം, 31.10.2025-നോ അതിനുമുമ്പോ രജിസ്റ്റർ ചെയ്‌ത സംഭവങ്ങളുമായി ബന്ധപ്പെട്ട ജനന-മരണ സർട്ടിഫിക്കറ്റുകൾ, മുമ്പത്തെപ്പോലെ, ബന്ധപ്പെട്ട മുനിസിപ്പാലിറ്റി, കമ്മ്യൂൺ പഞ്ചായത്ത് അല്ലെങ്കിൽ പൊതു സേവന കേന്ദ്രങ്ങൾ വഴി ലഭിക്കും.

31.10.2025-നോ അതിനുമുമ്പോ രജിസ്റ്റർ ചെയ ജനന-മരണ രേഖകളിൽ തിരുത്തലുകൾ ആവശ്യമുള്ള  പൊതുജനങ്ങൾക്ക് ബന്ധപ്പെട്ട മുനിസിപ്പാലിറ്റി, കമ്മ്യൂൺ പഞ്ചായത്ത് എന്നിവയെ സമീപിച്ച് ആവശ്യമായ അനുബന്ധ രേഖകൾ സഹിതം അപേക്ഷ സമർപ്പിക്കാം.

1.11.2025-നോ അതിനുശേഷമോ രജിസ്റ്റർ ചെയ്ത സംഭവങ്ങളുമായി ബന്ധപ്പെട്ട ജനന-മരണ സർട്ടിഫിക്കറ്റുകൾ പൊതുജനങ്ങൾക്ക് കേന്ദ്ര സർക്കാരിന്റെ CRS പോർട്ടലിൽ നിന്ന് നേരിട്ട് ഡൗൺലോഡ് ചെയ്യാം.

https://crsorgi.gov.in/

കൂടാതെ, സിഎസ്ആർ പോർട്ടലിൽ നിന്ന് ലഭിക്കുന്ന സർട്ടിഫിക്കറ്റുകൾ സാധുതയുള്ളതും ആധികാരികവുമാണ്. ജനന മരണ സർട്ടിഫിക്കറ്റുകൾ ലഭിക്കുന്നതിൽ എന്തെങ്കിലും ബുദ്ധിമുട്ടുകൾ ഉണ്ടായാൽ, പൊതുജനങ്ങൾക്ക് സഹായത്തിനായി ബന്ധപ്പെട്ട മുനിസിപ്പാലിറ്റി, കമ്മ്യൂൺ പഞ്ചായത്ത് എന്നിവയെ സമീപിക്കാം.

ജനന-മരണ സർട്ടിഫിക്കറ്റ് സേവനങ്ങൾ ജനങ്ങൾക്ക് തടസ്സമില്ലാതെയും എളുപ്പത്തിലും നൽകുന്നുണ്ടെന്ന് * ഉറപ്പാക്കാൻ തദ്ദേശ സ്വയംഭരണ വകുപ്പ് ആവശ്യമായ നടപടികൾ സ്വീകരിക്കുന്നുണ്ട്