അഞ്ചാം ക്ലാസുകാരിയുടെ വിസ്മയം;
സ്വന്തമായി പുസ്തകം എഴുതിയും കവർ ഡിസൈൻ ചെയ്തും ഇഖ്റ നാലകത്ത്.
പ്രായം വെറുമൊരു അക്കമാണെന്ന് തെളിയിച്ചുകൊണ്ട് സാഹിത്യലോകത്തേക്ക് ചുവടുവെച്ച് ഒരു പത്തു വയസ്സുകാരി. മാഹി എക്സൽ പബ്ലിക് സ്കൂളിൽ അഞ്ചാം ക്ലാസ് വിദ്യാർത്ഥിനിയായ ഇഖ്റ നാലകത്താണ് സ്വന്തമായി പുസ്തകം രചിച്ചും അതിന്റെ കവർ പേജ് സ്വയം ഡിസൈൻ ചെയ്തും വിസ്മയമാകുന്നത്.
ചെറുപ്രായത്തിൽ തന്നെ വായനയോടും എഴുത്തിനോടും താൽപ്പര്യം പ്രകടിപ്പിച്ചിരുന്ന ഇഖ്റ, തന്റെ ഭാവനയിൽ വിരിഞ്ഞ കഥയെ ഒരു പൂർണ്ണരൂപത്തിൽ വായനക്കാർക്ക് മുന്നിലെത്തിക്കുകയായിരുന്നു. പുസ്തകത്തിന്റെ ഉള്ളടക്കം തയ്യാറാക്കിയത് മുതൽ അതിന്റെ പുറംചട്ടയുടെ ഓരോ വിശദാംശങ്ങളും രൂപകൽപ്പന ചെയ്തത് വരെ ഇഖ്റയുടെ തനിമയാർന്ന സർഗ്ഗാത്മകതയിൽ വിരിഞ്ഞതാണ്.
വലിയ സ്വപ്നങ്ങൾ കാണുന്നതിനും അവ യാഥാർത്ഥ്യമാക്കുന്നതിനും പ്രായം ഒരു തടസ്സമല്ലെന്ന് ഈ കുഞ്ഞു എഴുത്തുകാരി തന്റെ എഴുത്തിലൂടെയും ചിത്രരചനയിലൂടെയും തെളിയിക്കുന്നു.
ഇഖ്റയുടെ Willy എന്ന ഈ പുസ്തകം പ്രസിദ്ധ നോവലിസ്റ്റായ പ്രസന്നൻ പാപ്പിനിശേരിയാണ് എക്സൽ സ്കൂളിൽ വെച്ച് ജനുവരി 28ന് പ്രകാശനം ചെയ്തത്.
പ്രിൻസിപൾ ആദ്യ കോപ്പി ഏറ്റുവാങ്ങി.
ഇഖ്റയുടെ തിളക്കമാർന്ന ഒരു സാഹിത്യ യാത്രയുടെ തുടക്കമാണിതെന്നും ഒരു പത്തുവയസ്സുകാരിയുടെ സർഗ്ഗാത്മകത മറ്റു കുട്ടികൾക്ക് നൽകുന്ന പ്രചോദനം ഏറെ വിലപ്പെട്ടതാണെന്നും പുസ്തക പ്രകാശനവേളയിൽ ശ്രീ പ്രസന്നൻ പാപ്പിനിശ്ശേരി വ്യക്തമാക്കി.
Post a Comment