മാഹി കോ-ഓപ്പറേറ്റീവ് കോളേജിൽ മയക്കുമരുന്ന് വിരുദ്ധ ബോധവത്കരണ പരിപാടി

മാഹി,മാഹി കോ-ഓപ്പറേറ്റീവ് കോളേജ് ഓഫ് ഹൈയർ എജുക്കേഷൻ ആൻഡ് ടെക്നോളജിയും TCC മാഹിയും സംയുക്തമായി മയക്കുമരുന്ന് വിരുദ്ധ ബോധവത്കരണ പരിപാടി സംഘടിപ്പിച്ചു. പരിപാടി കോളേജ് ഓഡിറ്റോറിയത്തിൽ 2025 നവംബർ 4-ന് രാവിലെ 11:30ന് നടന്നു.

പരിപാടിയിൽ ഡോ. ആദിൽ വാഫി (എം.ഡി പൾമനോളജിസ്റ്റ്), ഡോ. മേഘ ബി (ടി.സി.സി ഇൻചാർജ്, ഡിപ്പാർട്മെന്റ് ഓഫ് OMR-MINDS), ഡോ. സതീഷ് ബി (ഡി.എൻ.ഒ NOHP NTCP) എന്നിവർ മുഖ്യപ്രഭാഷകരായി പങ്കെടുത്തു. അവർ മയക്കുമരുന്ന് ഉപയോഗം ശരീരത്തിലും മനസ്സിലും ഉണ്ടാക്കുന്ന ദോഷഫലങ്ങളെക്കുറിച്ച് വിശദമായി സംസാരിച്ചു.

പരിപാടിയിൽ കോളേജ് പ്രിൻസിപ്പാൾ ഡോ. ലക്ഷ്മിദേവി സി.ജി അധ്യക്ഷത വഹിച്ചു. അവർ അതിഥികളെ സ്വീകരിച്ച് വിദ്യാർത്ഥികളോട് മയക്കുമരുന്ന് രഹിതമായ ജീവിതശൈലി പിന്തുടരണമെന്ന് ആഹ്വാനം ചെയ്തു.

പരിപാടിക്ക് നന്ദി രേഖപ്പെടുത്തി രജീഷ് ടി.വി (സ്റ്റാഫ് സെക്രട്ടറി).

വിദ്യാർത്ഥികളും അധ്യാപകരും സജീവമായി പങ്കെടുത്ത ഈ ബോധവത്കരണ പരിപാടി കോളേജ് ക്യാമ്പസിൽ നല്ല പ്രതികരണങ്ങൾ നേടി.