സൈക്കിൾ വിതരണവും മുതിർന്ന പൗരന്മാർക്കും ഭിന്നശേഷിക്കാർക്കുമുള്ള പുതപ്പുകൾ, പാദരക്ഷകൾ എന്നിവയുടെ വിതരണവും 11 ന്
മാഹി സാമൂഹ്യ ക്ഷേമ വകുപ്പിൻ്റെ നേതൃത്വത്തിൽ വിദ്യാർത്ഥികൾക്കുള്ള സൈക്കിൾ വിതരണവും മുതിർന്ന പൗരന്മാർക്കും ഭിന്നശേഷിക്കാർക്കുമുള്ള പുതപ്പുകൾ, പാദരക്ഷകൾ എന്നിവയുടെ വിതരണവും സാമൂഹിക ക്ഷേമ ക്യാമ്പും ജൂലൈ 11രാവിലെ 10:45 ന് മാഹി ഇ.വൽസരാജ് സിൽവർ ജൂബിലി ഹാളിൽ വെച്ച് നടക്കും. റീജ്യണൽ അഡ്മിനിസ്ട്രേറ്റർ ഡി.മോഹൻ കുമാറിന്റെ അദ്ധ്യക്ഷതയിൽ രമേശ് പറമ്പത്ത് എം.എൽ.എ ചടങ്ങ് ഉദ്ഘാടനം ചെയ്യും. ഭിന്നശേഷിക്കാർക്ക് നിയമപരമായ രക്ഷാകർതൃ സർട്ടിഫിക്കറ്റിനുള്ള അപേക്ഷകളും മുതിർന്ന പൗരന്മാർക്കും ഭിന്നശേഷിക്കാർക്കും സഹായ ഉപകരണങ്ങൾ സൗജന്യമായി വിതരണം ചെയ്യുന്നതിനുള്ള അപേക്ഷയും ക്യാമ്പിൽ വെച്ച് സ്വീകരിക്കും. സാമൂഹിക ക്ഷേമ പദ്ധതികളെക്കുറിച്ചുള്ള അവബോധം നൽകും. കൂടുതൽ വിവരങ്ങൾക്ക് മാഹി സാമൂഹിക ക്ഷേമ വകുപ്പുമായി ബന്ധപ്പെടാമെന്ന് മാഹി റീജ്യണൽ അഡ്മിനിസ്ട്രേറ്റർ അറിയിച്ചു.
Post a Comment