ഗവേഷണങ്ങൾ പലതും വസ്തുതകളുടെ ആഴം' തൊട്ടുന്നില്ല: സ്പീക്കർ

മാഹി: പുതുകാലത്ത് ഗവേഷണങ്ങൾ വസ്തുതകളുടെ ആഴത്തിൽ എത്തിച്ചേരുന്നില്ലെന്നും,

ചരിത്രം പലപ്പോഴും വക്രീകരിക്കപ്പെടുകയാണെന്നും സ്പീക്കർ അഡ്വ: എ.എൻ ഷംസീർ അഭിപ്രായപ്പെട്ടു.

സങ്കുചിത താൽപ്പര്യങ്ങൾക്കനുസൃതമായി,തെറ്റായ രൂപത്തിൽ ചരിത്രത്തെ വളച്ചൊടിച്ച് മനുഷ്യർക്കിടയിൽ ഭിന്നിപ്പുണ്ടാക്കാനും, സമാധാനാന്തരീക്ഷം തകർക്കാനും ചിലർ ആസൂത്രിത നീക്കം നടത്തുകയാണെന്ന് സ്പീക്കർ ചൂണ്ടിക്കാട്ടി.

അറബിക്കടലും, മയ്യഴിപ്പുഴയും അതിരിടുന്ന കല്ലായി ഗ്രാമത്തിൻ്റെ ഗതകാല ചരിത്രം ആലേഖനം ചെയ്യപ്പെട്ട

വി.കെ.സുരേഷ് ബാബു രചിച്ച 'കല്ലായി ഗ്രാമത്തിൻ്റെ കഥ' എന്ന ചരിത്ര ഗ്രന്ഥം പ്രകാശനം ചെയ്ത് സംസാരിക്കുകയായിരുന്നു അദ്ദേഹം.

മലയാള കലാഗ്രാമത്തിൽ നടന്ന ചടങ്ങിൽ പഞ്ചായത്ത് പ്രസിഡണ്ട് എം.കെ.സെയ്ത്തു അദ്ധ്യക്ഷത വഹിച്ചു. കവിയൂർ രാജഗോപാലൻ പുസ്തകം ഏറ്റുവാങ്ങി. ഡോ: എ.വത്സലൻ പുസ്തക പരിചയം നടത്തി. സി കെ രമേശൻ, അർജുൻ പവിത്രൻ, അടിയേരി ഗംഗാധരൻ, പ്രൊഫ:എ.പി.സുബൈർ ,

ചാലക്കര പുരുഷു, പവിത്രൻ മൊകേരി, ഹെൻറി ആൻറണി, കെ.പി.രാമദാസൻ സംസാരിച്ചു. വി. മനോജ് സ്വാഗതവും,, വി.കെ.രത്നാകരൻ നന്ദിയും പറഞ്ഞു.