നിങ്ങളറിയാതെ കോവിഡ് നിങ്ങൾക്ക് വന്ന് പോയിരിക്കുമോ ... ? കോവിഡ് നിങ്ങളെ ബാധിച്ചിരുന്നുവോ എന്നറിയാം ഈ ലക്ഷണങ്ങളിലൂടെ
കൊച്ചി : രാജ്യത്ത് കോവിഡ് സ്ഥിരീകരിച്ച് ഒരു വർഷം പിന്നിടുമ്പോൾ ഇതുവരെ കോടിക്കണക്കിന് ആളുകളെയാണ് കോവിഡ് ബാധിച്ചത് . കോവിഡ് നെഗറ്റീവായാലും കോവിഡാനന്തര ആരോഗ്യപ്രശ്നങ്ങൾ മൂലം വലയുന്നവരും നിരവധിയാണ് . പലർക്കും വന്നുപോയിരിക്കുമെന്ന തരത്തിലുള്ള റിപ്പോർട്ടുകളും ഇതിനിടെ പുറത്തുവന്നിരുന്നു . എന്നാൽ നമുക്ക് കൊവിഡ് വന്നുപോയിരിക്കുന്നു എന്ന് എത്തരത്തിൽ തിരിച്ചറിയാമെന്നതിനെ കുറിച്ച് നമ്മളിലാരും ഇതുവരെ ചിന്തിച്ചിട്ടുണ്ടാവില്ല .
ഇതാ ചില ലക്ഷണങ്ങളിലുടെ നിങ്ങൾ സ്വയം തന്നെ ഒരു പരിധി വരെ മനസിലാക്കാം , നിങ്ങളെ കൊവിഡ് ബാധിച്ചിരുന്നുവോ ഇല്ലയോ എന്ന് .
1. കോവിഡ് 19 ഒരു ശ്വാസകോശ രോഗമാണെന്ന് നമുക്കറിയാം . അതിനാൽ തന്നെ ശ്വാസതടസം , ഇതിന്റെ ഒരു പ്രധാന ലക്ഷണവുമാണ്.ഇതേ ലക്ഷണം തന്നെ കോവിഡ് വന്നുപോയ ഒരാളിലും കണ്ടേക്കാമെന്നാണ് ഡോക്ടർമാർ വ്യക്തമാക്കുന്നത് .
2.അമിതമായ ക്ഷീണം കൊവിഡ് ലക്ഷണങ്ങളിലൊന്നാണ് . ഇത് രോഗത്തെ അതിജീവിച്ച ശേഷവും ആളുകളിൽ ഏറെ നാളത്തേക്ക് കണ്ടേക്കാം .
3. കോവിഡിനെ അതിജീവിച്ചവരിൽ പല ആരോഗ്യപ്രശ്നങ്ങളും ദീർഘകാലത്തേക്ക് കാണാമെന്ന് വിവിധ പഠനങ്ങൾ സൂചിപ്പിച്ചിരുന്നു . ഇതിലുൾപ്പെടുന്നൊരു പ്രശ്നമാണ് വരണ്ട ചുമ . അതിനാൽ ഈ ലക്ഷണം കണ്ടാലും അത് ശ്രദ്ധിക്കാവുന്നതാണ് .
4. കൊവിഡ് രോഗികളിൽ പലരിലും കണ്ടെത്തപ്പെട്ടിട്ടുള്ളാരു ലക്ഷണമാണ് ഗന്ധവും രുചിയും നഷ്ടമാകുന്ന അവസ്ഥ . പലരും ഇത് തിരിച്ചറിയപ്പെടാതെ പോവുന്ന സംഭവങ്ങളുമുണ്ട് .
5.നെഞ്ചിന് ചുറ്റുമായി കുത്തുന്നത് പോലുള്ള വേദന അനുഭവപ്പെടുന്നതും കൊവിഡിന് ശേഷമുള്ള ആരോഗ്യപ്രശ്നങ്ങളിലൊന്നാണ് . അതിനാൽ ഈ ലക്ഷണവും ഒരുപക്ഷേ നിങ്ങളെ കൊവിഡ് പിടികൂടിയിരുന്നു എന്നതിന്റെയാകാം .
6. ശ്വാസഗതി വേഗമാവുകയും നെഞ്ചിടിപ്പ് കൂടുകയും ചെയ്യുന്നതും കൊവിഡ് രോഗികളിൽ രോഗം ഭേദമായ ശേഷവും കാണുന്ന പ്രശ്നമാണ് .
ഇതും രോഗം വന്നുപോയതിന്റെ ലക്ഷണമായി കണക്കാക്കാം . മേൽപ്പറഞ്ഞിരിക്കുന്ന ആറ് ലക്ഷണങ്ങളും കൊവിഡ് ഉള്ളപ്പോഴും അതിന് ശേഷവും രോഗികളിൽ കൊവിഡുമായി ബന്ധപ്പെട്ട് കണ്ടേക്കാവുന്ന ലക്ഷണങ്ങളാണ് . എല്ലാവരിലും എല്ലാ ലക്ഷണങ്ങളും കാണണമെന്ന് . നിർബന്ധമില്ല . അതുപോലെ ചിലരിൽ രോഗമുള്ളപ്പോഴും അതിന് ശേഷവും യാതൊരു ലക്ഷണവും കാണാതെ പോകുന്നുമുണ്ട് .
Post a Comment