*തുടർച്ചയായി ഏഴാം  തവണയും വിജയത്തിന്റെ തേരിലേറി അഴിയൂർ ഈസ്റ്റ് യു.പി.സ്ക്കൂൾ..*

അഴിയൂർ:

കോഴിക്കോട് റവന്യൂ ജില്ല കലോത്സവത്തിൽ യു.പി സംസ്കൃതം വിഭാഗം ഏഴാം തവണയും മികച്ച വിദ്യാലയമായി അഴിയൂർ ഈസ്റ്റ് യുപി സ്കൂൾ തെരഞ്ഞെടുക്കപ്പെട്ടു. ജില്ലയിൽ 12 ഇനങ്ങളിലായി 20 കുട്ടികൾ പങ്കെടുത്ത മത്സരത്തിൽ മൂന്ന് ഒന്നാം സ്ഥാനവും നിരവധി രണ്ടും മൂന്നും സ്ഥാനങ്ങളും എ ഗ്രേഡുകളുമായി  60 ൽ 60 പോയിന്റും നേടിക്കൊണ്ടാണ് വിദ്യാലയം ഈ നേട്ടം കൈവരിച്ചത്. മഞ്ജു പാർവതിയാണ് ഈ വിദ്യാലയത്തിലെ സംസ്കൃതം അധ്യാപിക. ജില്ലാ കലോത്സവത്തിന്റെ സമാപന സമ്മേളനത്തിൽ വച്ച് ഓവറോൾ ചാമ്പ്യൻഷിപ്പ് ട്രോഫി കോഴിക്കോട് റൂറൽ എസ് പി ബൈജു സാറിൽ നിന്നും വിദ്യാർത്ഥികളും അധ്യാപകരും രക്ഷിതാക്കളും ഏറ്റുവാങ്ങി.