ആശുപത്രി മാലിന്യം 
റോഡിൽ തള്ളി : നീതി ലാബിന്‌ 25000 രൂപ പിഴയിട്ട് തലശ്ശേരി നഗരസഭ ആരോഗ്യവിഭാഗം.

തലശ്ശേരി: ലോഗൻസ് റോഡിൽ സ്റ്റേറ്റ് ബാങ്ക് ജംഗ്ഷനിൽ വ്യാപാരസ്ഥാപനങ്ങൾക്ക് സമീപത്തായും റോഡിനോടും ഫുട്പാത്തിനോടും ചേർന്നാണ്  ചാക്കുകളിൽ നിറച്ച ആശുപത്രി മാലിന്യം തള്ളിയത്. 

ലാബിൽ പരിശോധനയ്ക്ക് നൽകിയ രക്തസാമ്പിളുകൾ, ഉപയോഗിച്ച സിറിഞ്ചുകൾ, രക്തം പുരണ്ട പഞ്ഞികൾ  തുടങ്ങിയ സാധനസാമഗ്രികൾ അടങ്ങുന്ന ശേഖരമാണ് ചാക്കുകളിൽ കെട്ടി പൊതുജന ആരോഗ്യത്തിന് ഹാനീകരമാവുന്ന രീതിയിൽ തള്ളിയത്.

ഹെൽത്ത് ഇൻസ്പക്ടർമാരുടെ അന്വേഷണത്തിൽ മെയിൻ റോഡിൽ പ്രവർത്തിക്കുന്ന ഫസൽ റഹ്‌മാൻ, മലപ്പുറം എന്നവരുടെ ഉടമസ്ഥതയിലുള്ള നീതി ലാബ് എന്ന സ്ഥാപനത്തിന്റെ മാലിന്യമാണ് പ്രദേശത്ത് തള്ളിയതെന്ന് കണ്ടെത്തി.

പ്രസ്തുതലാബിലെ കമ്പ്യൂട്ടറിലെ വിവരങ്ങൾ പരിശോധിച്ചും  

സ്ഥാപനത്തിന്റെ മാനേജറെ സംഭവ സ്ഥലത്ത് വിളിച്ചുവരുത്തിയും ആശുപത്രി മാലിന്യം അവരുടേത് തന്നെയെന്ന്  ഉറപ്പാക്കി. 

  

പൊതുനിരത്തിൽ മാലിന്യം തള്ളിയതിന് 25,000 രൂപ പിഴചുമത്തിക്കൊണ്ടും ലൈസൻസ് ക്യാൻസൽ ചെയ്യാതിരിക്കാൻ കാരണം കാണിക്കൽ നോട്ടീസ് നൽകികൊണ്ടും തുടർനടപടികൾ സ്വീകരിച്ചു വരികയാണെന്ന് നഗരസഭാ സെക്രട്ടറി സുരേഷ് കുമാർ എൻ അറിയിച്ചു.

ക്ലീൻ സിറ്റി മാനേജർ സുരേഷ് കുമാർ സി യുടെ നേതൃത്വത്തിൽ സീനിയർ പബ്ലിക് ഹെൽത്ത് ഇൻസ്പെക്ടറായ റെജിന പബ്ലിക് ഹെൽത്ത് ഇൻസ്പെക്ടർമാരായ അനിൽ കുമാർ വിലങ്ങിൽ, കുഞ്ഞി കണ്ണൻ നഗരസഭ ഡ്രൈവർ സുജിത്ത് എന്നിവർ അന്വേഷണത്തിൽ പങ്കെടുത്തു.

നഗരസഭ ശുചീകരണ  ജീവനക്കാരായ പ്രഭാകരൻ, പ്രകാശൻ, സന്തോഷ് എന്നിവർ നഗരസഭ വാഹനത്തിൽ  ആശുപത്രി മാലിന്യം നീക്കം ചെയ്ത് പരിസരം ശുചീകരിച്ചു.